გამოცხადებული ბოიკოტის შემდეგ, რუსეთის საგარეო საქმეთა მინისტრმა G20-ის სამიტი დროზე ადრე დატოვა. ამის შესახებ ინფორმაციას რუსეთის საგარეო საქმეთა სამინისტრო ავრცელებს.

საგარეო საქმეთა სამინისტროს წარმომადგენელმა მარია ზახაროვამ განაცხადა, რომ ლავროვი აწარმოებს ორმხრივ მოლაპარაკებებს, შემდეგ ის ისაუბრებს პრესასთან და რუსეთში დაბრუნდება. 

"ლავროვი არ დაესწრება შუადღის შეხვედრებს ან ოფიციალურ ვახშამს პარასკევს ღამით. ის კიდევ აწარმოებს ორმხრივ მოლაპარაკებებს, შემდეგ ის ისაუბრებს პრესასთან და რუსეთში დაბრუნდება,"- განაცხადა ზახაროვამ.

„გუშინ იყო მიღება, რომელიც ინდონეზიელებმა მოაწყვეს, ეს იყო ერთგვარი გაცნობითი მიღება კონცერტით და ისინი [დასავლეთის ლიდერები] არ დაესწრნენ მას,"- აცხადებს ლავროვი.

G20-ის სამიტზე არაერთმა ქვეყნის საგარეო საქმეთა მინისტრმა რუსეთის წარმომადგენელთან ერთობლივ ფოტოსესიაში მონაწილეობა არ ისურვა. ინფორმაციას იაპონური სააგენტო Kyodo ავრცელებს .

გამოცემის ცნობით, წელს შეხვედრის მონაწილეთა ტრადიციული ფოტოსესია არ შედგა, ვინაიდან რუსეთის საგარეო საქმეთა მინისტრ სერგეი ლავროვთან გვერდზე დგომა სხვა ქვეყნის ლიდერებმა არ ისურვეს. 

ასევე ვრცელდება ინფორმაცია , რომ პირველი უარი თქვა აშშ-ის სახელმწიფო მდივანმა ენტონი ბლინკენმა და იაპონიის საგარეო საქმეთა მინისტრმა, იოშიმასა ჰაიაშიმაც. 

გარდა ამისა, Reuters- ის ცნობით , სამიტის რამდენიმე მონაწილემ უარი თქვა ლავროვთან შეხვედრაზე სამიტის ფარგლებში. მათ შორის, ისევ აშშ-ის სახელმწიფო მდივანი, გერმანიისა და იაპონიის საგარეო საქმეთა მინისტრი ანნალენა ბურბოკი.

ამ ფაქტს გამოეხმაურა თავად ლავროვი, რომელმაც თქვა, რომ "არავის ეპატიჟება გადასაღებად". 

"რაც შეეხება ჩემთან შეხვედრებს, განცხადებებს, რომ ჩემთან ერთად არ გადაიღებენ სურათებს. კარგი, მე არავის ვეპატიჟები გადასაღებად და საერთოდ, არსად არავინ დამიპატიჟია. ინდონეზიამ დამპატიჟა", - თქვა მან. 

G20 არსებობს 1999 წლიდან. მასში შედის: ევროკავშირი, აშშ, ჩინეთი, იაპონია, გერმანია, საფრანგეთი, ბრაზილია, დიდი ბრიტანეთი, იტალია, რუსეთი, კანადა, ინდოეთი, ავსტრალია, მექსიკა, სამხრეთ კორეა, ინდონეზია, თურქეთი, საუდის არაბეთი, არგენტინა, სამხრეთ აფრიკა.

შეერთებული შტატების პრეზიდენტმა ჯო ბაიდენმა ადრე განაცხადა, რომ რუსეთი უნდა გამოირიცხოს G20-დან.

წელს სამიტს ინდონეზია უმასპინძლებს.  ინდონეზიის პრეზიდენტმა ვოლოდიმირ ზელენსკი ღონისძიებაზე  პირადად მიიწვია. 

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა