2022-07-04 10:04:50, 909 ნახვა
პოლიტიკა
„სირცხვილია“- სუს-მა აქციის დასაშლელად 5 წუთი მოგვცა
მთავრობის კანცელარიასთან მიმდინარე აქციის მონაწილეებს სუს-ის წარმომადგენელმა დაშლა მოსთხოვა. ამის შესახებ ინფორმაციას „სირცხვილია“ ავრცელებს.
განცხადების თანახმად, აქციის დასაშლელად მონაწილეებს 5 წუთი აქვთ.
"გვითხრა, რომ თუ აქცია 5 წუთში არ დაიშლება, ყველას დაიჭერენ. როგორც ჩანს, ჩვენი ხმაურით მთავრობის წევრებს ვაწუხებთ" - წერს სირცხვილია.
მთავრობის ადმინისტრაციასთან მოქალაქეების ნაწილი 3 ივლისის აქციის შემდეგ დარჩა.
ცნობისთვის, მთავრობის სხდომა 11:00-ზე იმართება, თუმცა, გამონაკლის შემთხვევებში - 14:00-ზე. ჯერჯერობით უცნობია, დღეს როდის შეიკრიბება მინისტრთა კაბინეტი.
ავტორი: ექსპრესნიუსი,
epn.ge (@expressnews.ge)
