2022-06-23 17:22:58, 1442 ნახვა

---

რეზნიკოვი - უკრაინაში აშშ-დან გამოგზავნილი მაღალი მობილობის საარტილერიო სარაკეტო სისტემები ჩამოვიდა

უკრაინაში აშშ-დან გამოგზავნილი მაღალი მობილობის საარტილერიო სარაკეტო სისტემები HIMARS ჩამოვიდა. - განაცხადა უკრაინის თავდაცვის მინისტრმა ოლექსი რეზნიკოვმა.

მისივე თქმით, ის მადლობელია მისი ამერიკელი კოლეგების ასეთი მხარდაჭერისა და დახმარებისთვის.

„დიდი მადლობა ჩემს კოლეგასა და მეგობარს, ლოიდ ოსტინს ამ ძლიერი იარაღისთვის! ზაფხული ცხელი იქნება რუსი ოკუპანტებისთვის და უკანასკნელი ზოგიერთი მათგანისთვის". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი