გერმანიის პროკურატურამ რუსეთის დუმის სანქცირებული დეპუტატს და მის ოჯახს საბანკო ანგარიშები და კერძო საკუთრება დაუყადაღა. -ამის შესახებ ინფორმაციას მიუნხენის პროკურატურა ავრცელებს.

სანქცირებული პირი დუმის ერთ-ერთი წევრია, რომელმაც მხარი დაუჭირა რუსეთის პრეზიდენტის ვლადიმერ პუტინის მოწოდებას უკრაინის სეპარატისტული რეგიონების, დამოუკიდებელ სახელმწიფოებად  აღიარების შესახებ.

„როგორც ჩვენთვის ცნობილია, ეს არის პირველი შემთხვევა გერმანიაში, როდესაც სანქციების გამო აქტივები არამარტო „გაყინულია“, არამედ ფაქტობრივი უძრავი ქონება დაყადაღებულია“, - თქვა უფროსმა პროკურორმა ენ ლეიდინგმა.

 დუმის დეპუტატი 23 თებერვლიდან  ევროკავშირის სანქციების სიაში მოხვდა. ბავარიის პროკურატურა ასევე იძიებს რუსი მაღალჩინოსნის მიერ სანქციებისთვის გვერდის ავლის მცდელობას.

ეს ნაბიჯი მოყვა გერმანიის ფინანსთა მინისტრ კრისტიან ლინდნერის განცხადებას, რომ რუსული აქტივები, რომელთა საერთო ღირებულება 4,5 მილიარდ ევროს შეადგენს, ცენტრალური ბანკის დეპოზიტების ჩათვლით გაყინულია.

ევროკავშირმა, ისეთ ქვეყნებთან ერთად, როგორიცაა აშშ, იაპონია და ავსტრალია, დააწესა სანქციების რამდენიმე რაუნდი რუსული ბიზნესის, ბანკების, მრეწველობისა და კერძო პირების წინააღმდეგ უკრაინის წინააღმდეგ რუსული აგრესიის ფონზე.

ავტორი: ექსპრესნიუსი,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს