მიხეილ სააკაშვილის დიაგნოზებში არ არის ისეთი დაავადება, რომელიც საქართველოში არ იკურნება. - განაცხადა მიხეილ სააკაშვილის ძმამ.

მისივე თქმით, გადაიყვანენ თუ არა მესამე პრეზიდენტს საზღვარგარეთ სამკურნალოდ, ეს ექიმებმა უნდა გადაწყვიტონ.

"როგორც მოგეხსენებათ, ამ კომისიამ მუშაობა დაიწყო თითქოს პირველ მარტს, გავიდა საკმაოდ დიდ ხანი, ხალხს მივიწყებული ჰქონდა, მაგრამ ახლა გაააქტიურეს ეს თემა, იქიდან გამომდინარე, რომ დადონ დასკვნა, რომელიც იქნება მიშას ჯანმრთელობის მდგომარეობაზე, დარწმუნებული ვარ სახარბიელო ნამდვილად არ იქნება, გადაფარონ, თითქოს როგორ შემოდიან მიშას მდგომარეობაში, როგორ იცავენ ადამიანის უფლებებს.
იუსტიციის მინისტრს ვეტყვი, რომ ის განათლებით ექიმი არ არის, მსგავსი გადაწყვეტილება ყოველთვის ექიმებმა უნდა მიიღონ. მოხარული ვარ, რომ როგორც იქნა ალტერნატიული ჯგუფი შევიდა "ვივამედის" კლინიკაში და დადებენ შესაბამის დასკვნას, რომელსაც ოჯახი და საზოგადოება ვითხოვდით რამდენიმე თვის განმავლობაში". - ნათქვამია განცხადებაში.

შეგახსენებთ, რომ ბოლო დღეების განმავლობაში მიხეილ სააკაშვილის მდგომარეობა ექიმებისა და ოჯახის წევრების თქმით მძიმეა, რის გამოც მის ადეკვატურ მკურნალობას ითხოვენ.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"