მეუფე იაკობი სააკაშვილზე - ისე, ხუმრობის გარეშე, ძალიან დიდი წონა ჰქონდა, კარგია თუ დაიკლო

2022-06-01 13:41:49, 938 ნახვა

პოლიტიკა

ისე, ხუმრობის გარეშე, ცოტას თუ დაიკლებდა, ძალიან დიდი წონა ჰქონდა, პირიქით, ჯანმრთელბისთვის, მაგრამ უცბად არ უნდა მოხდეს ხოლმე მაგ წონის დაგდება. ისე, ძალიან კარგია თუ დაიკლო, - ამის შესახებ ბოდბელმა მთავარეპისკოპოსმა, მეუფე იაკობმა მესამე პრეზიდენტის ჯანმრთელობის მდგომარეობაზე საუბრისას განაცხადა.

მეუფეს თქმით, მიხეილ სააკაშვილზე გული შესტკივა ისევე, როგორც ყველა დანარჩენ პატიმარზე და ერთ ადამიანის გამორჩება არ უნდა მოხდეს, რადგან "უარესი ავადმყოფები არიან ციხეებში".

"მე ყველა ადამიანზე შემტკივა გული. ცუდია, როცა ერთ ადამიანს გამოარჩევთ, უარესი ავადმყოფები არიან ციხეებში. მაგას ვინ გაუბედავს, თუ ისეთი დაავადება აქვს რომ გადაყვანას საჭიროებს, ვინ არ გადაიყვანდა, ასატკივებელი თავი ვის აქვს, ხო? თორე მაგალითად, ციხიდან რომ საავადმყოფოში გადაეყვანათ, ჩვენც გვქონდა ხელისუფლებასთან მაგაზე საუბარი და ძალიან მალე ხელისუფლებამ გადაიყვანა",- განაცხადა მეუფე იაკომბა.