უკრაინის დონბასის რეგიონის „განთავისუფლება“ მოსკოვისთვის „უპირობო პრიორიტეტია“, მაშინ როცა უკრაინის სხვა ტერიტორიებმა საკუთარი მომავალი უნდა გადაწყვიტონ,- აღნიშნულის შესახებ რუსეთის საგარეო საქმეთა მინისტრმა სერგეი ლავროვმა საფრანგეთის ტელევიზიის TF1-თან ინტერვიუში განაცხადა.

ლავროვის თქმით, უკრაინაში მიმდინარე „სპეციალური სამხედრო ოპერაცია" არის მეზობლის დემილიტარიზაცია ნატო-ს აღმოსავლეთით გაფართოების ტალღების შემდეგ და "ნაცისტების" შთაგონებული ნაციონალიზმისგან გაწმენდა.

„რუსეთის ფედერაციის მიერ დამოუკიდებელ სახელმწიფოებად აღიარებული დონეცკისა და ლუგანსკის რეგიონების განთავისუფლება უპირობო პრიორიტეტია“, - განაცხადა ლავროვმა.

უკრაინის დანარჩენ ტერიტორიებზე ლავროვა თქვა: „არ მჯერა, რომ ისინი სიამოვნებით დაუბრუნდებიან ნეონაცისტური რეჟიმის ავტორიტეტს, რომელმაც დაამტკიცა, რომ არსებითად რუსოფობიურია. ამ ადამიანებმა საკუთარი მომავალი თავად უნდა გადაწყვიტონ".

მისი თქმით, რუსეთის შეჭრა, მას შემდეგ გახდა „გარდაუვალი", რაც დასავლეთის ქვეყნებმა არ გაითვალისწინეს ის, რასაც ლავროვმა უკრაინის უგულებელყოფისა და სამხედრო თავდასხმების შესახებ რუსულენოვან მოქალაქეებზე გაფრთხილებები უწოდა.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია