ექსპერტების თქმით, რუსული არტილერია და საჰაერო დარტყმები აღმოსავლეთ უკრაინაში ომის შემობრუნებას ემუქრება. კიევმა გაიმეორა მოთხოვნა თანამედროვე ამერიკული წარმოების შორ მანძილზე მრავალჯერადი სარაკეტო სისტემების მიწოდების შესახებ, რათა შეეჩერებინა რუსული წინსვლა ლუგანსკის და დონეცკის რეგიონებში. მედია ამერიკელ ოფიციალურ პირებზე დაყრდნობით იუწყება, რომ საკითხი აქტიურად განიხილება და გადაწყვეტილება უახლოეს დღეებში იქნება მიღებული.

უკრაინის ლიდერმა ვლადიმირ ზელენსკიმ გვიან ღამით ვიდეომიმართვაში განაცხადა:

„ჩვენ ყოველდღიურად ვმუშაობთ თავდაცვის გასაძლიერებლად, უპირველეს ყოვლისა, იარაღის მიწოდებაზე და ყოველდღიურად ვუახლოვდებით იმ ფაქტს, რომ ჩვენი არმია მტერს ტექნიკური აღჭურვილობითა და სიძლიერით გადააჭარბებს. რა თქმა უნდა, ბევრი რამ არის დამოკიდებული ჩვენს პარტნიორებზე. მათი მზადყოფნა უკრაინას მიაწოდონ ყველაფერი, რაც საჭიროა თავისუფლების დასაცავად და ამ მხრივ, ველოდები სასიხარულო ამბებს უკვე მომავალ კვირას“.

ომმა შეცვალა თესვის რაოდენობა უკრაინაში. სამუშაოები არ განახლდება არც სოფელში ბრძოლების გამო, არც იმის გამო, რომ მინდვრები სავსეა აუფეთქებელი საარტილერიო ჭურვებით. თუმცა, თესვა მიდის იქ, სადაც ეს შესაძლებელია.

უკრაინა მსოფლიოში ხორბლის, სიმინდისა და მზესუმზირის ზეთის ერთ-ერთი უდიდესი ექსპორტიორია. რუსი სამხედროები აგრძელებენ პორტების ბლოკირებას, რაც ამძაფრებს საერთაშორისო შიშს გლობალური სასურსათო კრიზისის შესახებ.ნაღმები რჩება ნავსადგურებთან მისადგომებთან.

ამის მიუხედავად, გასულ პარასკევს, საქველმოქმედო ორგანიზაციის Open Arms-ის გემი 24 ტონა ტვირთით იზმაილის პორტში დაიდგა. მიწოდებული საკვები გარკვეულწილად შეამსუბუქებს ვითარებას, რომელშიც ოდესის რეგიონი იმყოფება.

შაბათს, რუსეთის მიერ ოკუპირებულმა მარიუპოლის პორტმა განაახლა ოპერაციები მას შემდეგ, რაც სამხედრო ძალებმა განაცხადეს, რომ იქ განაღმვის პროცესი დასრულებულია. პირველი რუსული გემი პორტში შევიდა და ლითონის ჩატვირთვა დაიწყო. კიევში ამას ძარცვას უწოდებდნენ.

ავტორი: ექსპრესნიუსი,

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია