|
2022-05-28 02:32:32, 1364 ნახვა
სამართალი
რატი ბრეგაძე: №8 დაწესებულებაში საპილოტე რეჟიმშია სპეციალური პროგრამა, რომლის მიხედვითაც ადვოკატებს შესაძლებლობა აქვთ, თავიანთი ვიზიტები დაჯავშნონ ონლაინ
იუსტიციის მინისტრმა რატი ბრეგაძემ დღეს პარლამენტში ინტერპელაციის წესით დასმულ კითხვას უპასუხა. მინისტრის თქმით, სწორედ ადამიანის უფლებებზე მორგებული ცვლილებების შედეგია მსჯავრდებულებისთვის სატელეფონო საუბრების ლიმიტების შესახებ შესული ცვლილებები. „სატელეფონო საუბრის დროის ლიმიტები, რომლებიც აქვთ პატიმრებს, არ ვრცელდება სახალხო დამცველის, სპეციალური საგამოძიებო სამსახურის და საქართველოს იუსტიციის სამინისტროს გენერალური ინსპექციის ცხელ ხაზზე დაკავშირების შემთხვევებზე. განსხვავებით თქვენი პერიოდისგან, ყველა ეს ზარი ანაზღაურდება სახელმწიფოს მიერ და ეს არის ნათელი დადასტურება იმისა, რომ სახელმწიფო, პირველ რიგში, დაინტერესებულია ადამიანის უფლებების დაცვით", – განაცხადა რატი ბრეგაძემ. იუსტიციის მინისტრმა, ასევე, ისაუბრა მსჯავრდებულთა უფლებების დაცვის კუთხით იუსტიციის სამინისტროს ახალ ინიციატივაზე, რომელიც, ფაქტობრივად, შეუზღუდავ კავშირს უზრუნველყოფს მსჯავრდებულსა და უფლებადამცველებს შორის. აღნიშნული პროგრამა ამჟამად სასჯელაღსრულების №8 დაწესებულებაში საპილოტე რეჟიმში მიმდინარეობს. „ინიციატივის განხორციელების შედეგად პატიმარს ადვოკატთა ასოციაციასა და იურიდიული დახმარების სამსახურთან შეეძლება შეუზღუდავად დაკავშირება. აქვე, საპროცესო უფლებებთან დაკავშირებით, შემიძლია, გითხრათ, რომ საპილოტე რეჟიმში უკვე დაინერგა №8 დაწესებულებაში სპეციალური პროგრამა, რომლის მიხედვითაც ადვოკატებს შესაძლებლობა აქვთ, თავიანთი ვიზიტები დაჯავშნონ ონლაინ, დაზოგონ დრო და დაცვის უფლება უფრო ეფექტიანად იყოს რეალიზებული", – განაცხადა რატი ბრეგაძემ.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)