უკრაინული მედიის ინფორმაციით, რუსეთის ფედერაციამ შავ ზღვაში კიდევ ერთი გემი დაკარგა

2022-05-12 15:04:30, 6381 ნახვა

ომი უკრაინაში

შავ ზღვაში, რუსეთის ფედერაციამ კიდევ ერთი გემი დაკარგა. ამის შესახებ Channel 24-ს დაზვერვის წყაროებმა განუცხადეს.

როგორც განცხადებაში ვკითხულობთ, საუბარია პროექტ 23120 ლოგისტიკურ დამხმარე ხომალდზე.

მათივე ცნობით, რუსეთის ფედერაციას მხოლოდ ორი ასეთი გემი ჰყავს - ელბრუსი და ვსევოლოდ ბობროვი.

შეგახსენებთ, რომ 7 მაისს უკრაინულმა Bayraktar TB2-მა კიდევ ერთი გემი გაანადგურა. ხოლო, 6 მაისს გავრცელდა ინფრომაცია, რომ შავ ზღვაში მყოფ ფრეგატზე, „ადმირალ მაკაროვზე“ უკრაინული თავდასხმა განხორციელდა, რაზეც რუსეთის პრეზიდენტის პრესმდივნმა, დიმიტრი პესკოვმა განაცხადა, რომ მსგავსი ტიპის ინფრომაციას არ ფლობდა.

დიდი ბრიტანეთის სადაზვერვო სამსახურინ ინფორმაციით, რუსულმა საზღვაო ძალებმა, გემი მოსკვას ჩაძირვის შემდეგ, უკან დაიხიეს და ყირიმში დაბრუნდნენ. რუსეთის მომმარაგებელი ხომალდები შავი ზღვის დასავლეთ ნაწილში მინიმალურადაა დაცული..

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,