2022-05-11 19:30:22, 1461 ნახვა
ომი უკრაინაში
ზელენსკი - ჩვენ ვიყენებთ ყველა შესაძლო დიპლომატიურ ინსტრუმენტს
ქალაქის დამცველები მარიუპოლში რჩებიან. - ამის შესახებ ინფორმაციას უკრაინის პრეზიდენტი ვოლოდიმირ ზელენსკი ავრცელებს.
მისივე თქმით, ისინი იყენებენ ყველა შესაძლო დიპლომატიურ ინსტრუმენტს
" ქალაქის მცველები კვლავ მარიუპოლში რჩებიან. ისინი აგრძელებენ აქტიურ და უწყვეტ წინააღმდეგობას აზოვსტალის ქარხნის ტერიტორიაზე. ჩვენ ვიყენებთ ყველა შესაძლო დიპლომატიურ ინსტრუმენტს, რათა მათი გადარჩენა შევძლოთ. მაგრამ რუსეთი ჯერ არ დათანხმდა არცერთ შემოთავაზებულ ვარიანტს". - განაცხადა ზელენსკიმ.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
