2022-05-11 18:02:38, 758 ნახვა
მსოფლიო
ჩეხეთის პრეზიდენტმა უკრაინის შეიარაღებულ ძალებში მოქალაქეების შესვლას მხარი დაუჭირა
ჩეხეთის პრეზიდენტმა მილოშ ზემანმა მხარი დაუჭირა უკრაინის შეიარაღებულ ძალებში ჩეხეთის რესპუბლიკის 103 მოქალაქის შესვლას. ამის შესახებ პრეზიდენტის სპიკერმა Twitter-ზე დაწერა.
მან დასძინა, რომ საბოლოო გადაწყვეტილებასა ხელი პრემიერ-მინისტრმა პეტრ ფიალამ უნდა მოაწეროს.
"მილოშ ზემანმა ხელი მოაწერა გადაწყვეტილებას დააკმაყოფილოს 103 მოქალაქის განცხადება, უკრაინის შეიარაღებულ ძალებში შესვლის თაობაზე,"- ვკითხულობთ გავრცელებულ განცხადებაში.
მარტის დასაწყისში მედიამ გაავრცელა ინფორმაცია, რომ 600-ზე მეტი ჩეხი მოხალისედ შეუერთდა უკრაინის საერთაშორისო ლეგიონს.ჩეხეთის ხელისუფლებამ გადაწყვიტა კანონით არ დაესაჯა მოქალაქეები, რომლებიც უკრაინაში საბრძოლველად მიდიან რუსეთის შემოჭრის წინააღმდეგ.
ავტორი: ექსპრესნიუსი,
epn.ge (@expressnews.ge)
