2022-05-01 20:47:31, 1593 ნახვა
ომი უკრაინაში
ოკუპანტებმა მიკოლაევში კასეტური ბომბი გამოიყენეს, აფეთქდა სასუქის საწყობი
რუსმა ოკუპანტებმა მიკოლაივის რეგიონზე საარტილერიო იერიში მიიტანეს - ინფორმაციას ოპერატიული სარდლობა "სამხრეთი" ავრცელებს. უწყების ცნობით, მტერმა ოლქში მდებარე სასუქის სასოფლო-სამეურნეო საწყობი დაბომბა.
"აფეთქდა 600 კგ-მდე სასუქი, გაჩნდა ხანძარი. სამაშველო სამსახურები სწრაფად მუშაობდნენ. არ არსებობს ქიმიური საფრთხე გარემოსთვის და ადამიანებისთვის",- ნათქვამია უწყების განცხადებაში.
ამასთან, შეიარაღებული ძალების სამხრეთის სარდლობის ინფორმაციით, რუსულმა ძალებმა ნიკოლაევის გარეუბანში კასეტური ბომბები გამოიყენეს. სარდლობის ცნობით, ბომბები მოქალაქეთა ეზოებში ჩამოვარდა და სახლები დააზიანა.
ავტორი: ექსპრესნიუსი,
epn.ge (@expressnews.ge)
