ვეტერინარიის მსოფლიო დღის აღნიშვნის ღონისძიების ფარგლებში, სურსათის ეროვნულმა სააგენტომ ცხოველთა ჯანმრთელობის დაცვის მიმართულებით განხორციელებული პროგრამებისა და აქტივობების ანგარიში არასამთავრობო სექტორის და დონორი ორგანიზაციების  წარმომადგენლებს  გააცნო. სააგენტოში გამართულ შეხვედრას,  გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი დაესწრო, რომელმაც ხაზი გაუსვა  ვეტერინარიის დარგის მნიშვნელობას  და ყურადღება არსებულ გამოწვევებზე გაამახვილა.

„პირველ რიგში, მინდა ყველა ვეტერინარს მივულოცო პროფესიული დღე და წარმატებები ვუსურვო. თითოეულ მათგანს,  ყოველდღიურ საქმიანობით, მნიშვნელოვანი წვლილი შეაქვს, როგორც ცხოველთა ჯანმრთელობის უზრუნველყოფაში, ასევე, სოფლის მეურნეობის დარგის, განვითარებასა და ისეთი გლობალური მიზნის მიღწევაში, როგორიც სურსათის უვნებლობაა. გარემოს დაცვისა და სოფლის მეურნეობის სამინისტრო, სურსათის ეროვნულ სააგენტოსთან ერთად, აქტიურად მუშაობს საგანმანათლებლო და საკანონმდებლო კუთხით და კონკრეტული ნაბიჯებიც  გადაიდგა  იმისათვის, რომ მოხდეს პროფესიის პოპულარიზაცია და კვალიფიციური კადრების მომზადება“, - განაცხადა სოლომონ პავლიაშვილმა ღონისძიებაზე სიტყვით გამოსვლის დროს.

სურსათის ეროვნული სააგენტოს ვეტერინარები, ყოველწლიურად, 6 მილიონზე მეტი ვეტერინარულ მანიპულაციას ატარებენ, მათ შორისაა  უფასო ვაქცინაცია, იდენტიფიკაცია-რეგისტრაცია, ცხოველთა დაავადებების დიაგნოსტიკა და პრევენცია, ვეტერინარულ კონტროლს დაქვემდებარებული ობიექტების შემოწმება.

შეხვედრაზე აღინიშნა, რომ სააგენტოს მიერ განხორციელებული ღონისძიებები ხელს უწყობს ცხოველთა დაავადებების გავრცელების შემცირებას, ბაზარზე უვნებელი ცხოველური წარმოშობის სურსათის წარმოებას და განთავსებას, მომხმარებლის სიცოცხლის და ჯანმრთელობის დაცვას, ეკონომიკური ზარალის თავიდან აცილებას, მიკვლევადობას, მესაქონლეობის დარგის განვითარებას.

მნიშვნელოვანი აღინიშნოს, რომ ქვეყანაში შექმნილი ეპიზოოტიური კეთილსაიმედოობის შედეგად, იზრდება ცხოველური წარმოშობის პროდუქციის ადგილობრივი წარმოება და საექსპორტო პოტენციალი. 

ვეტერინარიის მსოფლიო დღე, ვეტერინართა მსოფლიო ასოციაციის (WVA) და ცხოველთა ჯანდაცვის მსოფლიო ორგანიზაციის (OIE) ინიციატივით,  2000 წელს დაარსდა და ყოველწლიურად აპრილის ბოლო შაბათს აღინიშნება. 2022 წლის მთავარი გზავნილი -  ვეტერიანარული შესაძლებლობების გაძლიერებაა.

ავტორი: NS (სტატია დაფინანსებულია),

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში