ნატო-ს ქვეყნები ყველაფერს აკეთებენ იმისთვის, რომ უკრაინაში რუსული სპეცოპერაცია პოლიტიკური შეთანხმებების გზით არ დასრულდეს,- ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

ლავროვმა აღნიშნა, რომ თუ აშშ და ნატო ნამდვილად არიან დაინტერესებულნი უკრაინის კრიზისის მოგვარებით, გონს უნდა მოეგონ და შეწყვიტონ კიევისთვის იარაღისა და საბრძოლო მასალის მიწოდება.

„ახლა ჩვენ ვხედავთ დასავლური ისტებლიშმენტის კლასიკური ორმაგი სტანდარტების და ფარისევლობის გამოვლინებას. კიევის რეჟიმისადმი საჯაროდ გამოხატვისას ნატო-ს ქვეყნები ყველაფერს აკეთებენ იმისათვის, რომ არ დასრულდეს ოპერაცია პოლიტიკური შეთანხმებების მიღებით“, - განაცხადა მინისტრმა.

ამასთან ერთად, ლავროვმა აღიშნა, რომ დასავლეთის ქვეყნები, რომლებიც ამართლებენ უკრაინის ხელისუფლების ქმედებებს, ხდებიან ნაციონალისტების მიერ ჩადენილი დანაშაულის თანამონაწილეები. „უკვე დროა დასავლეთმა შეწყვიტოს კიევის უპირობო გათეთრება და დაფარვა. წინააღმდეგ შემთხვევაში ვაშინგტონმა, ბრიუსელმა და დასავლეთის სხვა დედაქალაქებმა უნდა იცოდნენ პასუხისმგებლობა უკრაინელი ნაციონალისტების სისხლიან დანაშაულებში თანამონაწილეობისთვის", - დასძინა მინისტრმა

გარდა ამისა, ლავროვმა ხაზი გაუსვა იმასაც, რომ რუსეთი უკრაინასთან მოლაპარაკებების გაგრძელების მომხრეა, მაგრამ ამას დასავლეთის ანთებითი ქმედებები აფერხებს. მისი თქმით, დასავლეთის ქვეყნები მოუწოდებენ კიევს „ბოლო უკრაინამდე იბრძოლოს", მას იარაღით ამარაგებს და მოლაპარაკებებს აფერხებს. შესაბამისად შეთანხმებების მიღწევა მხოლოდ მაშინ იქნება შესაძლებელი, როდესაც კიევი დაიწყებს ხელმძღვანელობას უკრაინელი ხალხის ინტერესებით და არა შორიდან მრჩევლებით.

შეგახსენებთ, რომ 24 თებერვალს, დილის საათებში, რუსეთის პრეზიდენტმა, ვლადიმირ პუტინმა უკრაინის წინააღმდეგ საომარი მოქმედებების დაწყების გადაწყვეტილება მიიღო. უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსეთის სამხედრო ძალებმა უკრაინაზე სხვადასხვა მიმართულებიდან დაიწყეს შეტევა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა