მოკავშირეები უკრაინას დამატებით სამხედრო ტექნიკას გადასცემენ. - ამის შესახებ ინფორმაციას აშშ-ის თავდაცვის მდივანი, ლოიდ ოსტინი ავრცელებს.

მისივე თქმით, ისინი ყველაფერს აკეთებენ, რომ უკრაინამ სასწრაფოდ მიიღოს მისთვის საჭირო ყველა დახმარება.

"ქვეყნები მთელი მსოფლიოდან აქტიურობენ, რათა უკრაინას მიაწოდონ სასწრაფო საჭიროებები. მსურს, განსაკუთრებული მადლობა გადავუხადო მასპინძელ გერმანიას, მინისტრ ლამბრეხტს, რომელმაც განაცხადა, რომ გერმანია უკრაინას 50 გეპარდის ტიპის ტანკს გადასცემს, გუშინ ბრიტანეთმა განაცხადა, რომ უკრაინას დამატებით ანტისაჰაერო აღჭურვილობას გაუგზავნის, დღეს კი კანადამ განაცხადა, რომ უკრაინას 8 ჯავშანმანქანას გაუგზავნის. ეს მნიშვნელოვანი პროგრესია, რომელსაც ყოველდღიურად ვხედავთ". - თქვა ოსტინმა.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა