ამერიკის შეერთებული შტატები, რუსეთის მიერ დაწყებული ახალი შეტევის გამო, საფრანგეთის, გერმანიის, დიდი ბრიტანეთის, კანადის, იტალიის, პოლონეთის, რუმინეთის ხელმძღვანელებთან შეხვედრას იწვევს. 

შეხვედრას ასევე დაესწრებიან ნატოს გენერალური მდივანი იენს სტოლტენბერგი, ევროკომისიის პრეზიდენტი ურსულა ფონ დერ ლაიენი და ევროსაბჭოს პრეზიდენტი შარლ მიშელი.

შეხვედრა დაეთმობა რუსეთის ახალი შეტევის განხილვას უკრაინის წინააღმდეგ ქვეყნის აღმოსავლეთ და სამხრეთ რეგიონებში.

ცნობისთვის, 18 აპრილს ცნობილი გახდა ომის ახალი ეტაპის დაწყების შესახებ. დონეცკის, ლუგანსკის და ხარკოვის რეგიონების თითქმის მთელი ფრონტის ხაზის გასწვრივ, დამპყრობლები ცდილობდნენ გაერღვიათ უკრაინის თავდაცვა.

რუსეთის ფედერაციის ძირითადი ძალისხმევა მიმართულია დონეცკისა და ლუგანსკის რეგიონების ტერიტორიებზე სრული კონტროლის დამყარებაზე და ადრე ოკუპირებული ტერიტორიის შენარჩუნებაზე.

პარალელურად გრძელდება მარიუპოლის ბლოკადა და დაბომბვა, ასევე რუსული სარაკეტო თავდასხმები სხვა ქალაქებზე.

ავტორი: ექსპრესნიუსი,

სოციალური ქსელები

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს