ლვოვში, რუსული ჯარების მიერ განხორციელებული, ხუთი სარაკეტო დარტყმის შედეგად 7 ადამიანი დაიღუპა, 11 კი დაშავდა. დაშავებულთა შორის იყო 3 წლის ბიჭი ხარკოვიდან. ამის შესახებ ინფორმაციას ლვოვის მერი ანდრეი სადოვოი ავრცელებს.

მისი ცნობით, ბიჭი  და დედამისი ხარკოვიდან ომისგან თავის დასაღწევად ჩამოვიდნენ. ამ ეტაპისთვის ბავშვმა ყველა საჭირო დახმარება მიიღო და მის სიცოცხლეს საფრთხე არ ემუქრება.

„ეს არის მშვიდობიანი მოსახლეობის პირველი დაღუპვა ჩვენი ქალაქის ტერიტორიაზე. ყველაზე ახალგაზრდა მსხვერპლი 30 წლისაა. ჩვენ გლოვობთ დაღუპულებს, მაგრამ უნდა ვიყოთ მაქსიმალურად ფრთხილად. შეიძლება გაძლიერდეს თავდასხმები სამოქალაქო ობიექტებზე. უკრაინაში დღეს არ არსებობს უსაფრთხო ქალაქები. ამიტომ, კიდევ ერთხელ ხაზს ვუსვამ, ვთხოვ ყველა მცხოვრებს - როცა სირენის ხმას გაიგებთ, გთხოვთ, წადით თავშესაფარში! “ , - განაცხადა მერმა.

ავტორი: ექსპრესნიუსი,

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა