გარემოს დაცვისა და სოფლის მეურნეობის მინისტრმა, ოთარ შამუგიამ მთავრობის სხდომის შემდეგ მედიის წარმომადგენლებთან გამართულ შეხვედრაზე განაცხადა, რომ სამინისტროს მიერ სამელიორაციო ინფრასტრუქტურის განვითარების მიმართულებით,  ბოლო წლების განმავლობაში, ძალიან დიდი ძალისხმევა იქნა გაწეული.

„დაახლოებით 500 მილიონ ლარამდე მივმართეთ ინფრასტრუქტურის მოწესრიგებისთვის; თუმცა, წლების განმავლობაში მწყობრიდან გამოსული ინფრასტრუქტურა ძალიან დიდ ფინანსურ რესურსს და, ასევე, დროს საჭიროებს სრული აღდგენისთვის; აქედან გამომდინარე, ახალი სახელმწიფო პროექტის ფარგლებში, დავიწყებთ დაახლოებით 200 მილიონი ლარის ღირებულების პროექტების ეტაპობრივად განხორციელებას, რაც, თავისთავად, საშუალებას მოგვცემს, რომ უფრო სტაბილურად მივაწოდოთ ჩვენს ფერმერებს წყალი, გავზარდოთ წყალუზრუნველყოფა და ამით ჩვენ ფერმერებს მივცეთ უფრო კარგი შედეგების მიღების შესაძლებლობა“, - განაცხადა ოთარ შამუგიამ.

როგორც მინისტრმა აღნიშნა, ყველა რეგიონში იქნება განხორციელებული შესაბამისი პროექტები - ირიგაციის ნაწილში  აღმოსავლეთ საქართველოში და დრენაჟის ნაწილში, დასავლეთ საქართველო.

„ჩვენ დრენაჟის მიმართულებით გვაქვს ძალიან ბევრი სამუშაო, ვინაიდან დასავლეთ საქართველოში არის ფართობები, რომლებიც, შესაბამისი სამუშაოების განხორციელების შედეგად, შეიძლება მოვაქციოთ ეკონომიკურ ბრუნვაში და ამ ფართობებზე ვაწარმოოთ სხვადასხვა სასოფლო-სამეურნეო პროდუქცია. აქედან გამომდინარე, ძალიან მნიშვნელოვანია, რომ ჩვენ დაჩქარებული ტემპებით დავიწყებთ ამ პროცესს და ეს მოგვცემს კონკრეტულ შედეგს, რომელიც გაჟღერებული იქნა ბატონი პრემიერ-მინისტრის მიერ“, - განაცხადა ოთარ შამუგიამ.

ავტორი: NS (სტატია დაფინანსებულია),

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა