რუსმა ოკუპანტებმა ლუგანსკის რეგიონის ქალაქ კრემენნაიაზე კონტროლი აიღეს. ამის შესახებ ლუგანსკის რეგიონალური ადმინისტრაციის ხელმძღვანელმა სერხი გაიდაიმ განაცხადა.

მისივე თქმით, ქალაქის მშვიდობიანი მოსახლეობის ევაკუაცია აღარ არის შესაძლებელი.

"დამპყრობლებმა აიღეს კონტროლი კრემენნაიაზე! ბრძოლები გრძელდება. ქალაქიდან ევაკუაცია აღარ არის შესაძლებელი. ხალხი გამოჰყავთ სევეროდონეცკიდან, ლისიჩანსკიდან, პოპასნაიადან, გორნიდან და რუბიჟნედან. იზრუნეთ თქვენს შვილებზე", - განაცხადა გაიდაიმ.

ერთი დღით ადრე გაიდაიმ თქვა, რომ რუსი დამპყრობლები შევიდნენ ქალაქ კრემენნაიაში.

მანამდე გაიდაიმ განაცხადა, რომ კრემენნაიას საარტილერიო დაბომბვა 17 აპრილს დღის განმავლობაში გაგრძელდა, ღამით გახშირდა და ძლიერი გახდა. ხანძარი შვიდ საცხოვრებელ კორპუსს, სამეურნეო შენობას გაუჩნდა.

ავტორი: ექსპრესნიუსი,

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა