უკრაინასთან ომში დამარცხების რეალური შესაძლებლობის შეფასების შემდეგ, რუსეთის პრეზიდენტმა შესაძლოა, ბოლო „შანსად“ ბირთვული იარაღის გამოყენების ხერხს მიმართოს, - ამის შესახებ უკრაინის პრეზიდენტის მრჩეველმა, ოლექსი არესტოვიჩმა განაცხადა.

როგორც არესტოვიჩმა აღნიშნა, პუტინს უბრალოდ სურს სადმე ჩამოაგდოს ბირთვული იარაღი.

„კარგი მათ ისროლეს ბირთვული იარაღი. რა არის შემდეგი? ... შემდგომში საქმეში ისეთი ძალები ჩაერთვება, რომლებსაც ვლადიმერ ვლადიმიროვიჩი ვერ გაუმკლავდება. ხოლო დასავლეთი ამის შემხედვარე საპასუხო დარტმას მიაყენებს რუსეთს. მთელი მსოფლიო, გამონაკლისის გარეშე, მიხვდება, რომ საქმე გვაქვს გიჟ მანიაკთან, რომელსაც ვერაფერი შეაჩერებს“, - დასძინა არესტოვიჩმა.

შეგახსენებთ, რომ 14 აპრილს ცენტრალური სადაზვერვო სააგენტოს დირექტორმა ბილ ბერნსმა, ჯორჯიის ტექნოლოგიურ ინსტიტუტში გამოსვლისას, განაცხადა, რომ არაა გამორიცხული რუსეთის პრეზიდენტმა ვლადიმერ პუტინმა სასოწარკვეთის გამო უკრაინაში ბირთვული იარაღი გამოიყენოს.

გარდა ამისა, თეთრმა სახლმა შეკრიბა სპეციალისტთა ჯგუფი, რათა შეაფასოს რუსეთისგან ბირთვული საფრთხე და შეიმუშაოს ზომები იმ შემთხვევისთვის, თუკი პუტინი უკრაინის წინააღმდეგ ამ იარაღს გამოიყენებს.

ავტორი: ექსპრესნიუსი,

სოციალური ქსელები

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს