დონალდ ტრამპი ჯო ბაიდენის პოზიციას იზიარებს და უკრაინაში რუსეთის ქმედებებს გენოციდს უწოდებს

2022-04-14 14:36:46, 1056 ნახვა

მსოფლიო

ამერიკის ყოფილი პრეზიდენტი, დონალდ ტრამპი უკრაინაში მიმდინარე რუსეთის ომს გენოციდს უწოდებს. ამის შესახებ მან Fox News-თან ინტერვიუში განაცხადა.

დონალდ ტრამპი ინტერვიუს დროს აშშ-ის მოქმედ პრეზიდენტს, ჯო ბაიდენს აკრიტიკებდა, რომლის პოლიტიკამაც, მისი თქმით, რეკორდულად მაღალი ინფლაცია გამოიწვია და თქვა, „ახლა ამას დაუმატეთ ის, რაც ხდება უკრაინაში, ეს გენოციდია".

მანამდე აშშ-ის პრეიდენტმა ჯო ბაიდენმა რუსეთის პრეზიდენტი, ვლადიმერ პუტინი გენოციდში დაადანაშაულა.

„უფრო და უფრო ხდება ნათელი, რომ ვლადიმერ პუტინი უბრალოდ ცდილობს მოსპოს უკრაინელობის იდეა", - განაცხადა ჯო ბაიდენმა.

ცნობისთვის, დონალდ ტრამპმა, რომელიც ამაყობდა ვლადიმერ პუტინთან ახლო პირადი ურთიერთობით, მანამდე რუსეთის შეჭრას უკრაინაში ჰოლოკოსტი უწოდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,