აშშ-ის პრეზიდენტმა ჯო ბაიდენმა პირველად გამოიყენა სიტყვა „გენოციდი“ უკრაინაში რუსი სამხედროების ქმედებებთან დაკავშირებით. ერთი კვირის წინ ის მხოლოდ ტერმინით „ომის დანაშაულებები“ შემოიფარგლებოდა.

თუმცა, ოთხშაბათს აშშ-ის პრეზიდენტმა ორჯერ გამოიყენა სიტყვა „გენოციდი“. პირველად აიოვას ახალი რეგულაციების შემოღებისას ბაიდენმა ამერიკელებს უთხრა, რომ დიქტატორის მიერ სხვა ქვეყანაში განხორციელებულმა „გენოციდმა“ არ უნდა დააზარალოს მათი საფულე.

როდესაც ჟურნალისტებმა ბაიდენს ჰკითხეს ამ ფრაზის შესახებ, მან განმარტა: „მე ამას გენოციდი ვუწოდე, რადგან სულ უფრო ცხადი ხდება, რომ პუტინი ცდილობს მოსპოს  და პირისაგან მიწისა აღგავოს უკრაინელი და უკრაინული იდეა“.

სიტყვა გენოციდის შესახებ ჟურნალისტებმა ჯო ბაიდენს მოგვიანებით, ვაშინგტონში დაბრუნების წინ ჰკითხეს. როგორც ამერიკის შეერთებული შტატების პრეზიდენტმა თქვა, ოკუპირებულ და ალყაში მოქცეულ უკრაინის ქალაქებში ომის დანაშაულებისა და მშვიდობიანი მოსახლეობის დაღუპვის მტკიცებულებებმა მიიყვანა იგი ამ დასკვნამდე. აშშ-ს პრეზიდენტმა განმარტა, რომ გადაწყვეტილება იმის შესახებ, შესაძლებელია თუ არა უკრაინის მოვლენების კანონიერად გენოციდად კვალიფიცირება, იურისტებმა უნდა მიიღონ.

ჯო ბაიდენის განცხადებას ჭეშმარიტი ლიდერის ჭეშმარიტი სიტყვები უწოდა უკრაინის პრეზიდენტმა ვოლოდიმირ ზელენსკიმ. მან ტვიტერზე დაწერა, რომ ბოროტებისთვის წინააღმდეგობის გასაწევად მნიშვნელოვანია ყველაფერს თავისი სახელი დაარქვა. ზელენსკი ამერიკას მადლობას უხდის უკვე გაწეული დახმარებისთვის და აცხადებს, რომ უკრაინას სასწრაფოდ სჭირდება გაცილებით მძიმე შეიარაღება, რათა აღკვეთოს რუსეთის შემდგომი სასტიკი დანაშაული.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს