ამერიკის შეერთებული შტატების კონგრესმა, უკრაინაში შეჭრის გამო, რუსეთისთვის დამატებითი ეკონომიკური ზიანის მიყენებას მხარი დაუჭირა და მას უპირატესი ქვეყნის სავაჭრო სტატუსი ჩამოართვა, ასევე ნავთობის იმპორტი აუკრძალა.

სენატმა ერთხმად, 100-0 ხმით მხარი დაუჭირა ნორმალური სავაჭრო ურთიერთობების სტატუსის ჩამორთმევას რუსეთისთვისა და მისი მოკავშირე ბელარუსისთვის.

კონგრესმა დამტკიცებული კანონპროექტი წარმომადგენელთა პალატას გადაუგზავნა, რომელმაც მას მხარი სწრაფადვე დაუჭირა, შემდეგ კი, კანონპროექტი ხელმოსაწერად აშშ-ის პრეზიდენტ ჯო ბაიდენს გადაეგზავნა.

როგორც თეთრი სახლის  პრესმდივანმა, ჯენ ფსაკიმ განაცხადა, პრეზიდენტი ჯო ბაიდენი მხარს უჭერს აღნიშნულ ზომებს და ხელს მოაწერს კანონპროექტებს.

სავაჭრო კანონპროექტი საშუალებას აძლევს ჯო ბაიდენის ადმინისტრაციას, გაზარდოს ტარიფები რუსეთიდან და ბელარუსიდან იმპორტზე.

ავტორი: ექსპრესნიუსი,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო