ვაკის რაიონის გამგეობის ბინათმესაკუთრეთა ამხანაგობების ხელშეწყობის პროგრამით და მოსახლეობის განაცხადების საფუძველზე, ამ ეტაპზე, 72 სარეაბილიტაციო პროექტია დაფინანსებული. აღნიშნული პროექტებისთვის გამგეობის ბიუჯეტიდან 2 352 262 ლარი გამოიყო. - აღნიშნულის შესახებ ინფორმაციას თბილისის მერია ავრცელებს.

კერძოდ, განაცხადების განხილვის შედეგად, ლიფტები 39 მისამართზე, წყალარინების ქსელები - 11 მისამართზე რეაბილიტირდა. კორპუსების გადახურვა - 8 მისამართზე განხორციელდა, 6 მისამართზე კი წყალსაწრეტი მილები დამონტაჟდა. გარდა ამისა, 2 მისამართზე კორპუსების სართულშუა ნაპრალებს რეაბილიტაცია ჩაუტარდა, 4 მისამართზე საერთო სარგებლობის კიბეები განახლდა, 2 მისამართზე კი, სადარბაზოს კარი გამოიცვალა.    

"სხვადასხვა სამუშაოების განხორციელებისას პროექტების ღირებულების 5% - 10% ამხანაგობის საერთო ანგარიშზე რჩება და მოსახლეობის მიერ კორპუსის საერთო საჭიროებებს მოხმარდება.

ამხანაგობა ვალდებულია, განახორციელოს „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში დაფინანსებული სამუშაოების შედეგად რეაბილიტირებული და ამხანაგობის საერთო სარგებლობაში არსებული ქონების მოვლა-პატრონობა." - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს