ევროკავშირი უმკაცრესად გმობს  რუსეთის მიერ უკრაინის მშვიდობიანი მოსახლეობისა და სამოქალაქო ინფრასტრუქტურის მიზანში ამოღებას, ასევე მათ მიერ ქალაქ მარიუპოლის ალყაში მოქცევას - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ჯოზეფ ბორელის განცხადებაშია აღნიშნული.

"მიზანმიმართული თავდასხმები მშვიდობიან მოსახლეობაზე და სამოქალაქო ინფრასტრუქტურაზე სამარცხვინო, გასაკიცხი და ყოვლად მიუღებელია. ისინი წარმოადგენს საერთაშორისო ჰუმანიტარული სამართლის სერიოზულ დარღვევას."- ნათქვამია განცხადებაში.

ევროკავშირი მოუწოდებს რუსეთს დაუბრკოლებლად გაატაროს ჰუმანიტარული დახმარება უკრაინაში.

"მართლმსაჯულების საერთაშორისო სასამართლოს (ICJ) 16 მარტის გადაწყვეტილების შესაბამისად, რუსეთმა დაუყოვნებლივ და უპირობოდ უნდა შეწყვიტოს სამხედრო მოქმედება და გაიყვანოს ყველა ძალა და სამხედრო ტექნიკა უკრაინის მთელი ტერიტორიიდან და პატივი სცეს უკრაინის ტერიტორიულ მთლიანობას, სუვერენიტეტს და დამოუკიდებლობას. მის საერთაშორისოდ აღიარებულ საზღვრებში."

ამასთან განცხადებაში წერია, რომ რუსეთს არ აქვს უფლება საერთაშორისო კანონმდებლობით, გამოიყენოს ცალმხრივი ძალა მესამე ქვეყნის ტერიტორიაზე და  შესაბამისად ის სამხედრო აგრესიის ამ მოქმედებებზე პასუხს აგებს.

ავტორი: ექსპრესნიუსი,

სოციალური ქსელები

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს

კრიპტო უკვე საქართველოს ბანკის მობილბანკშია — დაიწყე ინვესტირება მსოფლიოში საუკეთესო ციფრული ბანკით