საქართველოს მთავრობას ორმხრივი სანქციების დაწესებას არავინ სთხოვს, მაგრამ ველით, რომ ყველა ქვეყანა, რომელიც ეწინააღმდეგება რუსულ აგრესიას, დაეთანხმება სანქციების რეჟიმს, - ამის შესახებ საქართველოში აშშ-ის ელჩა, კელი დეგნანმა პარლამენტში, ჟურნალისტებთან საუბრისას განაცხადა.

როგორც კელი დეგნანმა აღნიშნა, მნიშვნელოვანია, რომ საქართველოსგან გაჟღერდეს, რომ ეთანხმება რუსეთისთვის დაწესებულ სანქციებს, რაც უკრაინისთვის ერთიანი და მნიშვნელოვანი გზავნილია.

„ამ ვითარებაში ძალიან მნიშვნელოვანია ყველამ ვაჩვენოთ ერთიანი პოზიცია რუსეთის აგრესიის მიმართ, რომელიც კლავს ათასობით უკრაინელ მშვიდობიან მოქალაქეს და ანადგურებს უკრაინულ ქალაქებს. სანქციები გამიზნულია რუსეთის სანქციებზე  გავლენის მოსახდენად. მინდა ცხადად ვთქვა, არავინ სთხოვს საქართველოს მთავრობას წარადგინოს ორმხრივი სანქციები, თუ არ უნდათ, ეს მათი გადასაწყვეტია, მაგრამ ველით, რომ ყველა ქვეყანა, რომელიც ეწინააღმდეგება რუსულ აგრესიას დაეთანხმება სანქციების საერთაშორისო რეჟიმს და საქართველო ყოველთვის იყო კარგი პარტნიორი საერთაშორისო სანქციების დათანხმებისას, ირანისა თუ სხვა ქვეყნების მიმართ, რომლებიც მოქმედებდნენ ისეთი ქვეყნების ინტერესების წინააღმდეგ, როგორიც საქართველოა, აშშ-ა. არ უნდა ავურიოთ საკითები ერთმანეთში - აქ ლაპარაკია საერთაშორისო სანქციების დათანხმებაზე, მნიშვნელოვანია გავიგოთ, რომ საქართველო დაეთანხმება ამ სანქციებს. საკვანძო საკითხია, მხარდაჭერის ერთიანი გზავნილი გავუგზავნოთ უკრაინას და ამის ერთადერთი გზა არის დაეთანხმო სანქციების საერთაშორისო რეჟიმს“, - განაცხადა კელი დეგნანმა.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა