რუსული პროპაგანდისტული არხის რედაქტორი, მარინა ოვსიანკინოვა, რომელიც გუშინ, პირდაპირ ეთერში, სტუდიაში უკრაინაში მიმდინარე ომის საწინააღმდეგო პლაკატით შევიდა, აცხადებს, რომ არ ნანობს, რაც გააკეთა.

როგორც ის სოციალურ ქსელში წერს, არ იცის, რა ელის უახლოეს პერიოდში, მაგრამ ადვოკატებისგან მიიღო ცნობა, რომ შესაძლოა, 5-დან 10 წლამდე თავისუფლების აღკვეთა ემუქრებოდეს.

„არ ვნანობ, რაც გავაკეთე! რაც არ უნდა იყოს შედეგი, მზად ვარ ვატარო, როგორც ღირსების ბეიჯი.

არ ვიცი, რა მელის მალე. ჩემმა ადვოკატმა განმიმარტა, რომ სისხლის სამართლის კანონმდებლობის მიხედვით შესაძლოა, 5-დან 10 წლამდე თავისუფლების აღკვეთა მემუქრებოდეს. ამას არ ვნანობ, თუმცა თქვენი მხარდაჭერა მჭირდება", - წერს ჟურნალისტი.

შეგახსენებთ, რომ გუშინ, მარინა ოვსიანკოვა პირდაპირი ეთერის დროს სტუდიაში გამოჩნდა ბანერით „არა ომს! არ დაუჯეროთ პროპაგანდას, აქ თქვენ გატყუებენ!", რის შემდეგაც საინფორმაციო გამოშვება შეწყდა. მოგვიანებით, ცნობილი გახდა, რომ ჟურნალისტი დააკავეს.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა