ევროკავშირმა, რუსეთის მიერ უკრაინაში შეჭრის გამო, რუსეთის წინააღმდეგ ეკონომიკური და პერსონალური სანქციების მეოთხე პაკეტი დაამტკიცა

„როდესაც პრეზიდენტ პუტინის ომი უკრაინელი ხალხის წინააღმდეგ გრძელდება, ასევე გრძელდება ჩვენი გადაწყვეტილება, მხარი დავუჭიროთ უკრაინას და დავასანქციროთ კრემლის სამხედრო ტექნიკის დაფინანსება. სანქციების მეოთხე პაკეტი კიდევ ერთი დიდი დარტყმაა ეკონომიკურ და ლოჯისტიკურ ბაზარზე, რომელსაც რუსეთი ეყრდნობა უკრაინაში შეჭრის განსახორციელებლად. სანქციების მიზანია, რომ ვლადიმერ პუტინმა შეწყვიტოს ეს არაადამიანური და უაზრო ომი", - განაცხადა ევროკავშირის უმაღლესმა წარმომადგენელმა საგარეო ურთიერთობებისა და უსაფრთხოების საკითხებში, ჯოზეფ ბორელმა.

ევროკავშირის მიერ რუსეთის წინააღმდეგ მიღებული სანქციების მეოთხე პაკეტი მოიცავს:

1. ტრანზაქციების აკრძალვას ზოგიერთი სახელმწიფო საკუთრებაში არსებულ საწარმოებთან;

2. ნებისმიერი რუსი პირისთვის ან სუბიექტისთვის საკრედიტო რეიტინგის ნებისმიერი სერვისის მიწოდების აკრძალვას, ისევე როგორც საკრედიტო რეიტინგის აქტივობებთან დაკავშირებით ნებისმიერ სააბონენტო სერვისებზე წვდომის აკრძალვას;

3. იმ პირთა სიის გაფართოებას, რომლებსაც აქვთ კავშირი რუსეთის თავდაცვით-საწარმო ბაზასთან, რომლებსაც უწესდება უფრო მკაცრი შეზღუდვები იმ მასალებსა და ტექნოლოგიებზე, რომელმაც შეიძლება ხელი შეუწყოს რუსეთის თავდაცვისა და უსაფრთხოების სექტორის ტექნოლოგიურ დახვეწას

4. რუსეთის ენერგო სექტორში ახალი ინვესტიციების განხორციელების აკრძალვას, ასევე ენერგო ინდუსტრიისთვის ყოვლისმომცველი შეზღუდვების წარმოდგენას აღჭურვილობის, ტექნოლოგიისა და სერვისის ექსპორტზე;

5. შემდგომი სავაჭრო შეზღუდვების წარმოდგენას რკინისა და ფოლადის, ასევე ფუფუნების საგნების მიმართულებით;

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა