2022-03-15 12:49:42, 572 ნახვა
მსოფლიო
რუსეთის უკრაინაში შეჭრიდან დღემდე 97 ბავშვი დაიღუპა, 100-ზე მეტი კი დაშავდა
უკრაინის გენერალური პროკურატურის ცნობით, უკრაინაში საომარი მოქმედებების შედეგად, 15 მარტის მდგომარეობით, 97 ბავშვი დაიღუპა და 100-ზე მეტი დაშავდა.
„2022 წლის 15 მარტის დილის მდგომარეობით, რუსეთის ფედერაციის შეიარაღებული აგრესიის შედეგად დაიღუპა 97 ბავშვი და დაიჭრა 100-ზე მეტი.“, - ნათქვამია გენერალური პროკურატურის მიერ გავრცელებულ ინფორმაციაში.
ინფორმაციაში აღნიშნულია, რომ დაბომბვის შედეგად დაზიანდა 400-ზე მეტი სკოლა, მათ შორის 59 სრულად განადგურდა.
გენერალური პროკურატურის ცნობით, ყველაზე მეტი ზარალი დონეცკის ოლქშია.
ავტორი: ექსპრესნიუსი,
epn.ge (@expressnews.ge)
