ფინანსური დახმარებისთვის უკრაინის მთავრობა მოლაპარაკებებს  ყველა საერთაშორისო ორგანიზაციასთან და ქვეყანასთან   აწარმოებს. - ამის შესახებ უკრაინის პრემიერ-მინისტრმა დენის შმიგალმა თავის ყოველდღიურ მიმართვაში ისაუბრა.

„ასობით უცხოური კომპანია ხურავს წარმოებას და კრძალავს მათი საქონლის გაყიდვას აგრესორ ქვეყანაში. სანამ რუსეთი ყველა ფრონტზე მარცხდება, ჩვენ სწრაფად უნდა გადავიდეთ საომარ ეკონომიკაზე”, - განაცხადა პრემიერმა.

შმიგალის განცხადებით, ევროპის საინვესტიციო ბანკი დათანხმდა 639 მილიონი ევროს გადამისამართებას სხვა პროექტებიდან უკრაინის დასახმარებლად და მინისტრთა კაბინეტმა უკვე მიიღო ამისთვის საჭირო დოკუმენტები. შმიგალმა აღნიშნა, რომ ეს გულისხმობს საჭიროებების მკაფიო დაგეგმვას, სახელმწიფომ უკვე დაიწყო საწარმოებისთვის შეკვეთების მიცემა კრიტიკული საჭიროებების დასაკმაყოფილებლად.

„ეს არ არის მხოლოდ იარაღი, ეს არის საკვები, მედიკამენტები, საწვავი და ა.შ. ჩვენ ვალდებულნი ვართ მივაწოდოთ ქვეყანას ყველაფერი, რაც მას სჭირდება. მთავრობამ უკვე შემოიღო შეზღუდვები სოციალურად მნიშვნელოვანი საქონლისა და ნედლეულის ექსპორტზე, საიდანაც ისინი იწარმოება. სასურსათო უსაფრთხოებაზე კონტროლი ახლა ეკონომიკის სამინისტროს ერთ-ერთი პრიორიტეტია“, - განაცხადა შმიგალმა.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია