2022-03-02 17:32:45, 1154 ნახვა

---

უკრაინის ხელისუფლება - ამ დრომდე, ომს 2000-ზე მეტი უკრაინის მშვიდობიანი მოქალაქე შეეწირა, განადგურებულია ასობით დაწესებულება

უკრაინის ხელისუფლების განცხადებით, ბოლო ერთ კვირაში, რუსეთის შემოჭრის შედეგად, 2000-ზე მეტი უკრაინელი მშვიდობიანი მოქალაქე დაიღუპა.

საგანგებო სიტუაციების სამსახურში აცხადებენ, რომ ასევე დაღუპულია ათი მაშველიც. მათ რუსეთის საოკუპაციო ძალების მიერ ქვეყნის დაბომბვის შემდეგ გაჩენილი 400-ზე მეტი ხანძარი ჩააქრეს.

„შვიდდღიანი ომის განმავლობაში რუსეთმა გაანადგურა ასობით სატრანსპორტო კვანძი, საცხოვრებელი კორპუსი, საავადმყოფოები და საბავშვო ბაღები“, - ნათქვამია განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი