ბელორუსის შეიარაღებული ძალების ცალკეულმა ქვედანაყოფებმა რომლებიც  საბრძოლო მზადყოფნაში არიან, უკრაინის სახელმწიფო საზღვარზე ვოლინის მიმართულებით მოძრაობა დაიწყეს.

ამის შესახებ ნათქვამია შეიარაღებული ძალების გენერალური შტაბის შემაჯამებელ განცხადებაში.

გარდა ამისა, აღნიშნულია, რომ ბელორუსის ტერიტორია კვლავ გამოიყენება არმიის, ოპერატიულ-ტაქტიკური და რუსეთის შეიარაღებული ძალების სპეციალური ავიაციის საბრძოლო მისიებისთვის უკრაინის ტერიტორიაზე ამოცანების შესასრულებლად.
ასევე, გენერალური შტაბი იტყობინება, რომ დღის განმავლობაში აგრესორები აჯგუფებდნენ ჯავშანტექნიკას და სარაკეტო და საარტილერიო იარაღს გარკვეული მიმართულებით, ძირითადად კიევისა და უკრაინის დიდი ქალაქების, კერძოდ ხარკოვის, ჩერნიგოვის, ოდესის ალყაში მოქცევისა და აღების მიზნით. სამხედრო ტექნიკის მნიშვნელოვანი წილი შემოდის ბელორუსის ტერიტორიიდან და ყირიმის ავტონომიური რესპუბლიკის ოკუპირებული ტერიტორიის გავლით.
არსებული ინფორმაციით, რუსული ტაქტიკური ჯგუფების მეთაურებმა მიიღეს ბრძანება, გაენადგურებინათ მობილური ანძები უკრაინის ტერიტორიაზე ღრმად შეღწევისას.
"ეს ყველაფერი იმაზე მეტყველებს, რომ რუს ოკუპანტებს საშინლად ეშინიათ, რადგან მათ არ მიიღეს პროპაგანდისტების მიერ დაპირებული პური და მარილი. მათ მიიღეს მხოლოდ მშვიდობიანი მოსახლეობის სიძულვილი და წინააღმდეგობა და უკრაინის არმიისგან შესაბამისი პასუხი", - ნათქვამია გენერალური შტაბის განცხადებაში. 

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა