2022-02-28 10:08:44, 502 ნახვა

---

The Times - კიევში 400-მდე დაქირავებული მებრძოლია, რომელსაც ვოლოდიმირ ზელენსკის მკვლელობა აქვს დავალებული

The Times-ის ინფორმაციით, კიევში 400-მდე დაქირავებული მებრძოლი იმყოფება, რომლებსაც კრემლიგან უკრაინის პრეზიდენტის, ვოლოდიმიერ ზელენსკის მკვლელობა აქვთ დავალებული.

როგორც გამოცემა წერს, გარდა ვოლოდიმიერ ზელენსკისა, მათ დავალებული აქვთ უკრაინის მთავრობის წევრების მოკვლა და დედადქალაქის, კიევის მოსკოვის კონტროლზე დაქვემდებარება. 

ამასთანავე, გამოცემის ცნობით, გასამხედროებულმა ფორმირებამ „ვაგნერის ჯგუფმა“, რომელსაც ვლადიმერ პუტინის უახლოესი მოკავშირე მართავს, ხუთი კვირის წინ აფრიკიდან დაქირავებული ჯარისკაცები ჩამოიყვანა და თანხის სანაცვლოდ, ვოლიდიმირ ზელენსკისა და მთავრობის წევრების ლიკვიდაცია დაავალა. 

The Times-ი წერს, რომ მათი მისიის შესახებ ინფორმაცია უკრაინის მთავრობისთვის შაბათს დილით გახდა ცნობილი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი