უკრაინის უმაღლესი რადის დეპუტატი, ალექსეი გონჩერენკო საქართველოს პრემიერ-მინისტრის, ირაკლი ღარიბაშვილის მიერ უკრაინასთან დაკავშირებით გაკეთებულ განცხადებებს ეხმაურება.

„საქართველომ მხარი არ დაუჭირა დასავლეთის სანქციებს რუსეთის წინააღმდეგ. რა, სტოკჰოლმის სინდრომი გაგიჩნდა?

პრემიერ-მინისტრი ირაკლი ღარიბაშვილი ამბობს, რომ სანქციების დაწესება მის ქვეყანას ბევრად მეტ ზიანს მიაყენებს. პარლამენტიც კი არ აპირებს ამისთვის რიგგარეშე სხდომაზე შეკრებას.

მაგრამ ყველაზე გასაკვირია რეაქცია მარტივ შეკითხვაზე: აპირებს თუ არა ღარიბაშვილი, სოლიდარობის ნიშნად, კიევში ჩამოსვლას? პრემიერ-მინისტრის თქმით, უკრაინის თავზე ახლა ცა დაკეტილია.

არა უშავს, ირაკლი. როცა ომი დამთავრდება და სამხედრო თვითმფრინავების ნაცვლად ჩვენს თავზე სამგზავრო თვითმფრინავები იფრენენ -  შეგიძლია აღარც ჩამოხვიდე.

ქართველებო, ძმებო, როგორ მოგწონთ ეს? დაგავიწყდათ, როგორ ჩაფრინდა უკრაინის პრეზიდენტი თბილისში, როდესაც რუსული ტანკები  2008 წელს თბილისში დადიოდნენ? შეეგუებით ამას თუ სახალხოდ აუხსნით ღარიბაშვილს, რა უნდა გააკეთოს?“, - წერს დეპუტატი.

შეგახსენებთ, რომ დღეს პრემიერ-მინისტრმა ირაკლი ღარიბაშვილმა უკრაინასთან დაკავშირებით კომენტარი გააკეთა და აღნიშნა, რომ საქართველო დასავლეთის ეკონომიკურ და ფინანსურ სანქციებს, რუსეთის წინააღმდეგ, არ შეუერთდება.ამასთანავე, ღარიბაშვილის თქმით, ის უკრაინაში ჩასვლას არ აპირებს, რადგან საჰაერო სივრცე დაკეტილია. 

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა