აშშ-ის პრეზიდენტი, ჯო ბაიდენის განცხადებით, რუსეთის პრეზიდენტის ვლადიმერ პუტინის მიმართ პირდაპირი სანქციები ჯერ კიდევ „მაგიდაზეა“.

მან აღნიშნა, რომ დღეს, თეთრ სახლში მის გამოცხადებული სანქციები ნამდვილია და „ბლეფი არ არის“.

აშშ-ის პრეზიდენტის თქმით, რუსულ ბანკებზე სანქციები ამავე ქვეყნის SWIFT-დან გაგდების თანაბარი, ან შესაძლოა, უფრო მეტი შედეგის მომტანიც იყოს. 

ჯო ბაიდენმა ასევე, ჟურნალისტის ერთ-ერთ შეკითხვასაც უპასუხა და დასძინა, რომ ვლადიმერ პუტინს ფაქტობრივად, ყოფილი საბჭოთა კავშირის აღდგენაც სურს, რის გამოც დაწესებული სანქციებით მოქმედება უფრო მეტად მნიშვნელოვანია.

„ეს არ არის ბლეფი. ისინი ნამდვილად მაგიდაზეა. სანქციები, რომლებიც ჩვენ წამოვაყენეთ ყველა მათ ბანკზე, თანაბარი შედეგისაა, შესაძლოა უფრო მეტი შედეგის, ვიდრე SWIFT.
ვლადიმერ პუტინს ბევრად უფრო დიდი ამბიციები აქვს, ვიდრე უკრაინა, მას სურს, ფაქტობრივად, აღადგინოს ყოფილი საბჭოთა კავშირი. თუ ჩვენ ახლა მის წინააღმდეგ ამ მნიშვნელოვანი სანქციებით არ ვიმოქმედებთ, გამბედაობა მოემატება", - აღნიშნა ჯო ბაიდენმა.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს