საქართველო 2022 წლის 25-29 სექტემბერს პროკურორთა საერთაშორისო ასოციაციის 27-ე ყოველწლიურ კონფერენციას უმასპინძლებს. ამის შესახებ საქართველოს გენერალური პროკურორის ირაკლი შოთაძის მიმართვაშია აღნიშნული, რომელიც პროკურორების საერთაშორისო ასოციაციის - https://www.iap-association.org/  ვებგვერდზე გამოქვეყნდა. 

"საერთაშორისო მნიშვნელობის პროკურორთა კონფერენცია კარგი შესაძლებლობაა სხვადასხვა ქვეყნის პროკურატურებს შორის საუკეთესო პრაქტიკების გაზიარების და მნიშვნელოვან მიმართულებებზე სიახლეების გაცნობისთვის" - ნათქვამია გენერალური პროკურორის მიმართვაში.

ირაკლი შოთაძის განცხადებით, პროკურორთა საერთაშორისო ასოციაციის 27-ე ყოველწლიური კონფერენციაზე მონაწილეები იმსჯელებენ ისეთ საკითხებზე, როგორიცაა - კიბერდანაშაულის ტიპოლოგიების განვითარება, ელექტრონულ მტკიცებულებებთან დაკავშირებული გამოწვევები საზღვრებს შორის და ფულის გათეთრება ვირტუალური ქონების მეშვეობით.

ასევე, კონფერენციის ფარგლებში, პლენარულ სესიებს შორის დაგეგმილია შესაბამისი სამუშაო ჯგუფების შეხვედრები, რომლებზეც მონაწილეებს შესაძლებლობა ექნებათ კონკრეტულ აქტუალურ თემებზე იმსჯელონ. კონფერენცია მოიცავს სპეციალურ სესიებს კონკრეტული საკითხებით დაინტერესებული მონაწილეებისთვის.

პროკურორთა საერთაშორისო ასოციაციის 27-ე ყოველწლიურ კონფერენციას საქართველო პირველად უმასპინძლებს. კონფერენციას სხვადასხვა ქვეყნის ქვეყნის ასეულობით დელეგატი დაესწრება და მონაწილე სახელმწიფოები ერთმანეთს დანაშაულის წინააღმდეგ ბრძოლის სფეროში არსებულ ცოდნას და გამოცდილებას გაუზიარებენ.

პროკურორთა საერთაშორისო ასოციაცია (IAP)1995 წელს დაარსდა და პროკურორთა ერთადერთ საერთაშორისო ორგანიზაციას წარმოადგენს, რომელიც 171 ქვეყნის 172 საპროკურორო უწყებას და 3000 ინდივიდუალურ წევრს აერთიანებს. საქართველოს პროკურატურა პროკურორთა საერთაშორისო ასოციაციის ორგანიზაციული წევრია. კონფერენცია ყოველწლიურად მსოფლიოს სხვადასხვა ქვეყანაში ტარდება, რაც წევრ ორგანიზაციებს შორის გამოცდილების გაზიარებისთვის და საერთაშორისო თანამშრომლობის გაძლიერებისთვის საუკეთესო პლატფორმას წარმოადგენს.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს