„ექსპორტის თითოეული გაზრდილი პროცენტისა თუ რიცხვის უკან, ქართულ საწარმოში დასაქმებული უამრავი ადამიანი დგას“, - ამის შესახებ ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ გამართულ ბრიფინგზე იანვრის თვის საგარეო სავაჭრო ბრუნვის მონაცემების შეფასებისას ისაუბრა.

საქსტატის ცნობით, 2022 წლის იანვარში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 1 110.5 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 41.2 პროცენტით მეტია.

ამავე მონაცემებით,  აქედან ექსპორტი 331.3 მლნ. აშშ დოლარს შეადგენს, ანუ 47.6 პროცენტით გაიზარდა, ხოლო იმპორტი 779.1 მლნ. აშშ დოლარს, რაც გსულიცწლის იგივე პერიოდთან შედარებით 38.7 პროცენტით მეტია.

„როდესაც ჩვენ ვსაუბრობთ წმინდა ექსპორტზე, რეექსპორტის გარდა, რომელიც თავის მნიშვნელოვან წვლილს თამაშობს ეკონომიკაში იმიტომ, რომ ეს დამატებითი ღირებულება რჩება აქ, მათ შორის გადასახადების კუთხით.  თუმცა, რაც შეეხება მთლიანად ადგილობრივ წარმოებას, ეს არის ის სექტორი, რომელიც, ჩვენს შემთხვევაში, მთავარი დამსაქმებელია. ექსპორტის თითოეული გაზრდილი პროცენტისა თუ რიცხვის უკან  კი ქართულ საწარმოებში დასაქმებული უამრავი ადამიანი დგას. შესაბამისად, ეს ღირებულება ნაწილდება იმ საწარმოებზე და დასაქმებულ ადამიანებზე და ეს არის წვლილი ჩვენს ეკონომიკაში. შესაბამისად, ექსპორტი არის ყველაზე მნიშვნელოვანი ღირებულება და პრიორიტეტი, რომელზეც აქცენტი გვექნება მომავალ წლებშიც ", - განაცხადა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა.

მისივე განმარტებით, ექსპორტის მონაცემები უკვე დაზუსტდა და მონაცემი მნიშვნელოვნადაა გაზრდილი.

„რეექსპორტის გარეშე, ექსპორტი 39%-ითაა გაზრდილი. ესაა წმინდა ექსპორტი, , რომელიც რეალურად საქართველოში გენერირებული დამატებით ღირებულებას ახდენს. რომელშიც საქართველოში წარმოებული პროდუქტების ექსპორტი იგულისხმება. ჩვენი ძირითადი სავაჭრო ქვეყნებია ყოფილი დსთ-ს ქვეყნები, ანუ ის სივრცე, სადაც ჩვენ დიდი სავაჭრო ურთიერთობები გვაქვს, თუმცა, მნიშვნელოვანი ზრდაა, მათ შორის, ევროკავშირის მიმართულებითაც, ასევე შორეული აღმოსავლეთის ქვეყნებში, ჩინეთში და სხვა", - აღნიშნა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს