თვითგამოცხადებული დონეცკის ე.წ სახალხო რესპუბლიკის ხელისუფლებამ მოსახლეობის მასობრივი ევაკუაცია დაიწყო, რუსეთში. აღნიშნულის შესახებ რესპუბლიკის ხელმძღვანელმა, დენის პუშლინმა განაცხადა.

მისი თქმით, „ევაკუაციას პირველ რიგში ქალები, ბავშვები და მოხუცები ექვემდებარებიან“.

„ევაკუირებულები უზრუნველყოფნილნი იქნებიან ყველა საჭირო ნივთით. ყველა პირობაა შექმნილი საგუშაგოებზე სწრაფი გადასვლისთვის. გთხოვთ, მოისმინოთ და მიიღოთ სწორი გადაწყვეტილება. დროებით გამგზავრება გადაარჩენს თქვენს და თქვენი ახლობლების სიცოცხლესა და ჯანმრთელობას’, - ხაზგასმით აღნიშნა მან.

ბოევიკების „ტერიტორიული თავდაცვის“ შტაბს ევაკუაციისთვის ტრანსპორტის უზრუნველყოფა დაევალა.

დენის პუშლინმა თქვა, რომ უკრაინის პრეზიდენტი, ვლადიმირ ზელენსკი, სავარაუდოდ, უახლოეს მომავალში „სამხედროებს მისცემს ბრძანებას“ დაიწყოს შეტევა დონბასში და შეიჭრას დონბასისა და ლუგანსკის ტერიტორიაზე. მისივე თქმით, უკრაინის შეიარაღებული ძალები „საბრძოლო ფორმირებებში არიან  და მზად არიან, დონბასის ძალადობრივად აღებისთვის“.

მანვე დასძინა, რომ სამხედრო ოპერაციების წარმართვის გამოცდილების მქონე, მუდმივი საბრძოლოები მზადყოფნაში არიან და სრულად შეუძლიათ, მშვიდობიანი მოსახლეობისა და ინფრასტრუქტურის დაცვა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს