„კობახიძის განცხადება პირდაპირ მიუთითებს, რომ მან „პიჯაკების“ საქმის გადაწყვეტილებაზე სასამართლოს დავალება მისცა“, - ასე გამოეხმაურა „ერთიანი ნაციონალური მოძრაობის“ წევრი, ხატია დეკანოიძე „ქართული ოცნების“ თავმჯდომარის, ირაკლი კობახიძის განცხადებას, რომ პარლამენტში „დამნაშავეებიც“ არიან.

მისივე თქმით, ეს პოლიტიკურად მოტივირებული რეპრესიის სახეა.

„ამით კიდევ ერთხელ ხაზი გაუსვა ირაკლი კობახიძემ, რომ "პიჯაკების საქმე" პოლიტიკურად მოტივირებული საქმეა, რაც არაერთხელ უთქვამთ ჩვენს საერთაშორისო პარტნიორებს და მოხვედრილა არაერთ ანგარიშში მათ შორის სახალხო დამცველის ანგარიშში. ასევე, სასამართლო გადაწყვეტილების გარეშე ეს გამონათქვამი უდანაშაულობის პრეზუმფციის დარღვევაა. როდესაც მას, ანუ ბატონ კობახიძეს არავითარი სამართლებრივი საფუძველი არ აქვს ჯერ რომ განაჩენი თვითონ დააყენოს, ამის უფლებაც არ აქვს, ამბობს იმას, რომ თურმე პარლამენტში არიან "დამნაშავეები" და მაგალითად მოჰყავს თეიმურაზ ჯანაშია. რაც იმას გულისხმობს, რომ რეალურად, ის ჩანაფიქრი, რაც „ქართულ ოცნებას" აქვს, ზუსტად ასახა ის ჩანაფიქრი თავის განცხადებაში. და მესამე, ის რაც განაცხადა უდანაშაულობის პრეზუმფციის დარღვევით ირაკლი კობახიძემ, პირდაპირ მიუთითებს იმას, რომ მან დავალება მისცა სასამართლოს იმ გადაწყვეტილების შესახებ რაც შეიძლება ძლაიან მალე დადგეს და საზოგადოებამ იხილოს კიდევ ერთი ოპოლიტიკურად რეპრესირებული და მოტივირებული მართლმსაჯულების შედეგი რაც გულისხმობს „პიჯაკების საქმეში“, მათ შორის თემოსთან მიმართებით. ეს არის, რეალურად გაგრძელება და სახე პოლიტიკურად მოტივირებული რეპრესიის“, - აღნიშნა ხატია დეკანოიძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს