ღირსების აყრად მიმაჩნია, რასაც „ქართული ოცნება“ აკეთებს დღეს, ქვეყანაში ერთადერთი ამოცანით ხართ დაკავებული და ეს არის პოლიტიკური ოპოზიციის განადგურების მცდელობა, - ასე მიმართა ფრაქცია „ლელო - საქართველოსთვის" წევრმა, სალომე სამადაშვილმა უმრავლესობის დეპუტატებს.

სალომე სამადაშვილმა მიმართა უმრავლესობის დეპუტატებს კითხვით, მზად არიან თუ არა, რომ საკუთარ თავსაც წაართვან ღირსება, „როდესაც უკანონო სასამართლო გადაწყვეტილების საფუძველზე წაართმევე ნმანდატს ხალხის მიერ არჩეულ დეპუტატს".

„2014 წელს საკუთარი თავისუფლებისთვის ბრძოლას უკრაინელმა ხალხმა „ღირსების რევოლუცია“ დაარქვა, რადგან სჯერა, რომ ერის ღირსება მისი სიცოცხლეა, ღირსების დათმობა კი პოლიტიკური თვითმკვლელობა. უკრაინელი ხალხი დღეს აგრძელებს საკუთარი ღირსებისთვის ბრძოლას და უარს ამბობს პოლიტიკურ თვითმკვლელობაზე.

საკუთარი ქვეყნისთვის ღირსების აყრად მიმაჩნია, რასაც „ქართული ოცნება“ აკეთებს დღეს, როდესაც გეოპოლიტიკურ ქარცეცხლში გახვეულ ქვეყანაში ერთადერთი ამოცანით ხართ დაკავებული და ეს არის პოლიტიკური ოპოზიციის განადგურების მცდელობა.

მე, პირადად, საკუთარი ქვეყნის ღირსების ახდად მიმაჩნია ის, რაც ხდება საქართველოს ყოფილი პრეზიდენტის პატიმრობასთან დაკავშირებით. ღირსების აყრად მიმაჩნია ის, რასაც აპირებთ, წაართვათ ხალხის მიერ არჩეულ დეპუტატს მისი წარმომადგენლობითი მანდატი. თქვენ ამ ქვეყანას ღირსება უკვე ახადეთ და დღეს ამ დარბაზში ერთადერთ რამეს უნდა უპასუხოთ, მზად ხართ თუ არა, რომ საკუთარ თავსაც წაართვათ ღირსება, როდესაც უკანონო სასამართლო გადაწყვეტილების საფუძველზე წაართმევთ მანდატს ხალხის მიერ არჩეულ დეპუტატს, ეს არჩევანი თქვენი გასაკეთებელია და ისტორიას დარჩება", - განაცხადა სალომე სამადაშვილმა. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს