2022-02-12 09:32:33, 918 ნახვა
მსოფლიო
დიდი ბრიტანეთი და კიდევ რამდენიმე ქვეყანა საკუთარ მოქალაქეებს უკრაინის დატოვებისკენ მოუწოდებენ
ამერიკის შეერთებულმა შტატებმა უკრაინაში მცხოვრებ ამერიკელ მოქალაქეებს ქვეყნის ტერიტორიის დასატოვებლად 48 საათი მისცა. ინფორმაციას BBC ავრცელებს.
გარდა შტატებისა, საკუთარ მოქალაქეებს ქვეყნის დატოვებისკენ დიდი ბრიტანეთი, ნიდერლანდები, იაპონია, სამხრეთ კორეა, დანია, ისრაელი, ესტონეთი და ნორვეგია მოუწოდებენ. რაც შეეხება ლატვიას, ქვეყანამ არსებული ვითარება უსაფრთხოებისთვის სერიოზული საფრთხის შემცველი უწოდა.
აღნიშნული ქვეყნები საკუთარ მოქალაქეებს უკრაინის რაც შეიძლება სწრაფად დატოვებას ურჩევენ, ხოლო მათ, ვინც ქვეყანაში დარჩენას გადაწყვეტენ, მოუწოდებენ, თავი შეიკავონ უკრაინის შიგნით გადაადგილებისგან.
ავტორი: ექსპრესნიუსი,
epn.ge (@expressnews.ge)
