საქართველოს ჯანდაცვის სამინისტროს ინიციატივითა და აჭარის ა.რ. ჯანმრთელობისა და სოციალური დაცვის სამინისტროს ორგანიზებით, დღეს მორიგი შეხვედრა ხელვაჩაურის მუნიციპალიტეტში, სოფელ სალიბაურის პირველადი ჯანდაცვის ცენტრში გაიმართა.

საინფორმაციო შეხვედრის დასრულების შემდეგ ჩატარდა COVD 19-ის ვაქცინაცია და მოქალაქეები აიცრნენ როგორც პირველი, ისე ბუსტერ დოზით.

„ქვეყანაში კორონავირუსის დაფიქსირების დღიდან ჩართული ვართ მოსახლეობასთან კომუნიკაციის პროცესში. პაციენტებს ვუწევთ ონლაინ კონსულტაციას, საჭიროების შემთხვევაში გავდივართ ბინაზე. ამბულატორიაში ყოველ სამუშაო დღეს ვატარებთ COVD 19-ის საწინააღმდეგო ვაქცინაციას, ხოლო მწოლიარე პაციენტებს ვცრით ბინაზე. განსაკუთრებით მომართვიანობა გაიზარდა, რაც სახელმწიფომ 50 წელს ზემოთ მოქალაქეებისათვის ფულადი წახალისება დააწესა“, - აღნიშნა სალიბაურის პირველად ჯანდაცვის ცენტის სოფლის ექიმმა, ზურაბ ვაშაყმაძემ.

სალიბაურის პირველად ჯანდაცვის ცენტრში მიმდინარე ვაქცინაციის პროცესს აჭარის ა.რ. ჯანმრთელობისა და სოციალური დაცვის მინისტრის მოადგილე, მარი ზანაქიძე და აჭარის ა.რ. საზოგადოებრივი ჯანდაცვის ხელვაჩაურის განყოფილების ხელმძღვანელი, ნატო ნაკაშიძე ხელვაჩაურის მუნიციპალიტეტის მერის მოადგილესთან, მირიან კვირიკიძესთან ერთად გაეცნენ.

„კორონავირუსის საწინააღმდეგო ვაქცინაცია ტარდება აჭარის ყველა სოფლის ამბულატორიაში, რეგიონში დაცულია ტერიტორიული ხელმისაწვდომობის პრინციპი. მოსახლეობას სახლთან ახლოს შეუძლია ჩაიტაროს აცრა და დაიცვას როგორც საკუთარი, ისე გარშემომყოფთა ჯანმრთელობა. აჭარაში სოფლად ვაქცინაცია გასული წლის ოქტომბრის თვეში დაიწყო. დღემდე ამბულატორიებში ჩატარებულია 15 415 დოზა ვაქცინა“, - აღნიშნა აჭარის ა.რ. ჯანმრთელობისა და სოციალური დაცვის მინისტრის მოადგილემ, მარი ზანაქიძემ.სახელმწიფოს მიერ დაწესებული წამახალისებელი პროგრამა გრძელდება თებერვლის თვის განმავლობაში. 50 წლის და უფროსი ასაკის მოქალაქეები პირველი დოზით ვაქცინაციის შემთხვევაში მიიღებენ 200 ლარს, ხოლო ბუსტერ დოზის ჩატარების შემთხვევაში 100 ლარს.

ამ დროისათვის აჭარაში ვაქცინირებულია სამიზნე მოსახლეობის 88,8%. ჯამში ჩატარებულია 321 262 დოზა ვაქცინა. ბუსტერ დოზა ჩატარებული აქვს 14 216 მოქალაქეს.

ავტორი: NS (სტატია დაფინანსებულია),

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს