საქართველოს თავდაცვის მინისტრი მინდია ჯანელიძე ნატო-ს თავდაცვის მინისტერიალში მიიღებს მონაწილეობას.  

ნატო-ს შტაბ-ბინა ალიანსის წევრი და პარტნიორი ქვეყნების თავდაცვის მინისტრების შეხვედრებს 4-5 თებერვალს მასპინძლობს.

თავდაცვის სამინისტროს ინფორმაციით, ბრიუსელში ვიზიტისას,  მინდია ჯანელიძე ნატო-ს გენერალურ მდივან იენს სტოლტენბერგს შეხვდება.

5 თებერვალს ალიანსის შტაბ-ბინაში, თავდაცვის მინისტრების დონეზე, ნატო-საქართველოს კომისიის სხდომა გაიმართება. თავდაცვის მინისტრების შეხვედრას ნატოს გენერალური მდივანი გახსნის. სხდომაზე სიტყვით გამოვა საქართველოს თავდაცვის მინისტრი მინდია ჯანელიძე. თავდაცვის უწყების ხელმძღვანელი რეგიონში არსებულ უსაფრთხოების გარემოს მიმოიხილავს და არსებულ გამოწვევებზე გაამახვილებს ყურადღებას. მინდია ჯანელიძე უცხოელ კოლეგებს საქართველოს თავდაცვის სამინისტროში მიმდინარე რეფორმებსა და განვითარების სამომავლო გეგმებს გააცნობს. შეხვედრაზე ნატო-საქართველოს თანამშრომლობის მექანიზმებს განიხილავენ. ყურადღება გამახვილდება ნატო-საქართველოს არსებითი პაკეტით განსაზღვრული ელემენტების განხორციელების დეტალებზე. პარტნიორი ქვეყნები პაკეტის განხორციელებითვის საჭირო არსებულ რესურსებსა და შესაძლებლობებს განიხილავენ.

ვიზიტის ფარგლებში დაგეგმილია ორმხრივი შეხვედრები ამერიკელ, ბრიტანელ, ლიტველ, პოლონელ, რუმინელ და ბელგიელ კოლეგებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება

ბაზისბანკმა ლიბერთი ბანკის შეძენა წარმატებით დაასრულა