ევროკავშირის უმაღლესი კომისარი საგარეო საქმეთა და უსაფრთხოების პოლიტიკის საკითხებში, ჟოზეფ ბორელი ყაზახეთში მიმდინარე მოვლენებთან დაკავშირებით შეშფოთებას გამოთქვამს. 

მისივე თქმით, მზად არიიან დახმარება გაუწიონ ყაზახეთს კრიზისის მშვიდობიანად მოგვარებაში.

"ჩვენ შეშფოთებულები ვართ იმ ძალადობით, რომელმაც მშვიდობიანი საპროტესტო გამოსვლების შემდეგ იფეთქა ყაზახეთში. ყაზახეთი მნიშვნელოვანი პარტნიორია ევროკავშირისთვის, გაძლიერებული პარტნიორობისა და თანამშრომლობის შეთანხმება ძალაშია რეგიონის სტაბილურობისთვის.

ჩვენ ღრმად ვწუხვართ დაღუპულთა გამო და მკაცრად ვგმობთ ძალადობის ფართოდ გავრცელებულ აქტებს. მნიშვნელოვანია შემდგომი ესკალაციების თავიდან აცილება, ძალადობის ყოველგვარი წაქეზების თავიდან აცილება, თავშეკავება და არეულობის სხვა მიზნებისთვი გამოყენება.

ჩვენ მზად ვართ დახმარება გავუწიოთ ყაზახეთს კრიზისის მშვიდობიანად მოგვარებაში. გარე სამხედრო მხარდაჭერამ პატივი უნდა სცეს ყაზახეთის სუვერენიტეტსა და დამოუკიდებლობას, ისევე როგორც ყველა მოქალაქის ფუნდამენტურ უფლებებს.

ჩვენ მოვუწოდებთ ყაზახეთის ხელისუფლებას, დაიცვან თავიანთი ვალდებულებები ამ რთულ დროს, მათ შორის, პატივი სცენ თავიანთი მოქალაქეების უფლებებს და ადამიანის ფუნდამენტურ თავისუფლებებს, განსაკუთრებით, შეკრების თავისუფლებას, გამოხატვის თავისუფლებას და მედიის თავისუფლებას", - ნათქვამია განცხადებაში.

ავტორი: ექსპრესნიუსი,

სოციალური ქსელები

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა

ბრიანსკში საცხოვრებელ შენობებზე დრონის შეჯახების შედეგად 13 ადამიანი დაშავდა

მოსკოვმა 9 მაისს კიევზე თავდასხმით დაიმუქრა და სხვა ქვეყნებს საელჩოების ევაკუაციისკენ მოუწოდა