კოსმოსური ტექნოლოგიების კერძო ამერიკული კომპანიის, Maxar Technologies-ის ახალი სატელიტური სურათების მიხედვით, რუსეთი აგრძელებს საკუთარი ძალების მობილიზებას ანექსირებული ყირიმისა და უკრაინის მიმდებარედ.

ფოტოებზე ჩანს სამხედრო ბაზა ყირიმში, რომელსაც 2014 წლის ანექსიის შემდეგ რუსეთი აკონტროლებს. სამხედრო ბაზაზე, 13 დეკემბრისთვის ასობით დაჯავშნილი სატრანსპორტო საშუალება ჩანს, იმავე ადგილის ოქტომბერში გადაღებულ ფოტოებზე ჩანს, რომ ბაზა ნახევრად ცარიელია. 

Maxar Technologies ამბობს, რომ ბრიგადის დონის ახალი ქვედანაყოფი, რომელიც რამდენიმე ათეული ჯავშანტექნიკისაგნ შედგება, მოიცავს BMP სერიის ქვეითთან საბრძოლო მანქანებს, ტანკებს, თვითმავალ არტილერიასა და საჰაერო თავდაცვის აღჭურვლობას, რუსეთის ძალებს შეუერთდა.

„გასული ერთი თვის განმავლობაში ჩვენმა მაღალი რეზოლუციის სატელიტურმა სურათებმა დააფიქსირა რუსეთის ახალი განლაგება ყირიმში, ისევე როგორც რამდენიმე საწვრთნელ ზონაში დასავლეთ რუსეთში, უკრაინის საზღვრის პერიფერიაზე", – ამბობენ Maxar-ში.

ტექნოლოგიური კომპანიის განმარტებით, გახშირდა რუსეთის აქტივობა ყირიმის სამ ლოკაციასა და დასავლეთ რუსეთის 5 ლოკაციაზე.

როგორც Reuters-ი წერს, Maxar-ის სურათებზე ჩანს, რომ რუსეთის ძალები თავმოყრილია უკრაინის საზღვართან ახლოს, ბელგოროდის ოლქში დასახლება სოლოტის სიახლოვეს. დეკემბერში გადაღებული ფოტოები სექტემბერთან შედარებით სამხედრო ტექნიკის რაოდენობის ზრდას აჩვენებს. სურათები ასევე მიუთითებს უკრაინის საზღვრიდან 260 კილომეტრში, ქალაქ იელნიასთან ახლოს და ქალაქ ვორონეჟში პოგონოვოს პოლიგონზე სამხედრო ტექნიკის მობილიზებაზე.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის