გარემოს დაცვისა და სოფლის მეურნეობის სამინისტროს ინფორმაციით, მიწის მდგრადი მართვისა და მიწათსარგებლობის მონიტორინგის ერონული სააგენტოს თავმჯდომარემ, გიორგი მიშელაძემ საქართველოს მეცნიერებათა ეროვნული აკადემიის ინოვაციებისა და მაღალი ტექნოლოგიების ცენტრის წევრებს სააგენტოს ფუნქცია-მოვალეობების ფარგლებში მიწის მართვის ძირითადი ასპექტები გააცნო.

უწყების ცნობით, სხდომას საქართველოს მეცნიერებათა ეროვნული აკადემიის პრეზიდენტი, აკადემიკოსი გიორგი კვესიტაძე ხელმძღვანელობდა.

გიორგი მიშელაძემ ყურადღება მიწის რესურსების ერთიანი ელექტრონული ბაზის, მიწათსარგებლობის (Land Use) და მიწის დაფარულობის (Land Cover) შესახებ მონაცემთა შექმნის მნიშვნელობასა და სატელიტური მონიტორინგის დანერგვაზე გაამახვილა. აღინიშნა, რომ მონაცემთა ბაზების შექმნაში სირთულეს ქმნის ის ფაქტი, რომ მიწასთან დაკავშირებით არსებული მონაცემები არასრულყოფილია, ცალკეულ შემთხვევებში კი, საერთოდ არ არსებობს.

გიორგი მიშელაძემ მიწის მდგრადი მართვისა და მიწათსარგებლობის მონიტორინგის ეროვნული სააგენტოს ინსტიტუციურ მოწყობასა და იმ პროგრამებზეც ისაუბრა, რომლებსაც სააგენტო ამ ეტაპზე ახორციელებს.

შეხვედრაზე განიხილეს სააგენტოს სამომავლო გეგმები და ის ნაბიჯები, რამაც უნდა უზრუნველყოს სააგენტოს შესაძლებლობების გაძლიერება, რათა თანამედროვე გამოწვევების შესაბამისად მოხდეს სასოფლო-სამეურნეო დანიშნულების მიწის აღრიცხვა და კადასტრის წარმოება.

ავტორი: NS (სტატია დაფინანსებულია),

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა