2021-12-03 21:37:47, 725 ნახვა
საზოგადოება
თბილისში დედა და 8 წლის ბავშვი, სავარაუდოდ, CO-თი ინტოქსიკაციით გარდაიცვალნენ
თბილისში, ქეთევან წამებბულის ქუჩაზე დედა და 8 წლის ბავშვი, სავარაუდოდ, CO-თი ინტოქსიკაციის შედეგად გარდაიცვალნენ. ინფორმაციას თბილისი ენერჯიში ადასტურებენ.
კლინიკაში შეყვანისას გარდაცვლილებთან ერთად არ იყვნენ მათი ოჯახის წევრები, ისინი ადგილზე მოგვიანებით მივიდნენ.
ტრაგედიის ადგილზე არიან "თბილისი ენერჯის" წარმომადგენლები. კომპანიაში ფორმულას უთხრეს, რომ ბინაში არაერთი დარღვევა ფიქსირდებოდა.
"გამოძახება იყო, მოვედით და ორი გარდაცვლილი ადამიანი დაგვხვდა. უკანონოდ, ტექნიკური დარღვევით მოიხმარდნენ გაზს დანადგარებით, რაც არ შეიძლება დახურულ სივრცეში. ჰქონდათ გამათბობელი და წყლის გამაცხელებელი", - განაცხადა თბილისი ენერჯის წარმომადგენელმა, ირაკლი დეკანოიძემ.
ავტორი: ექსპრესნიუსი,
epn.ge (@expressnews.ge)
