პროტესტი აშშ-ის რამდენიმე ქალაქში მას შემდეგ დაიწყო, რაც ნაფიცმა მსაჯულებმა გაამართლეს კაილ რიტენჰაუსი, რომელმაც შარშანდელი არეულობის დროს ორი ადამიანი დახვრიტა. განაჩენის გადახედვის მოთხოვნით, ნიუ-იორკში რამდენიმე ასეულმა ადამიანმა გადაკეტა ბრუკლინის ხიდი, იუწყება CNN.

რამდენიმე ასეული ადამიანი გამოვიდა ქუჩებში ნიუ-იორკში, ჩიკაგოში, კოლუმბუსში, ოკლენდში და სხვა ქალაქებში. CNN აღნიშნავს, რომ ქალაქი კენოშა, სადაც რიტენჰაუსმა ორ ადამიანს ესროლა, "შედარებით მშვიდი იყო".

პორტლენდში, სადაც გასულ წელს მოხდა ჯორჯ ფლოიდის მკვლელობა და მას შემდეგ მომხდარი არეულობები, რამდენიმე ათეული ადამიანი ადგილობრივი დაკავების ცენტრის კარიბჭესთან შეიკრიბა და მოითხოვა მისი დაწვა. პოლიციის თქმით, მომიტინგეებმა ბოთლები ესროლეს პოლიციელებს და ჩაამსხვრიეს პოლიციის მანქანის მინა და რამდენიმე მაღაზიის ვიტრინა. ერთი პირი დააკავეს, 17 კი გაფრთხილების შემდეგ გაათავისუფლეს.

ახალგაზრდა კაილ რიტენჰაუსი რომელმაც აშშ-ში ვისკონსის შტატში BLM-ის აქციაზე ორი ადამიანი მოკლა და ერთი დაჭრა, ხუთივე წარდგენილ ბრალდებაში  უდანაშაულოდ ცნეს. გადაწყვეტილება ქალაქ კენოშის სასამართლოს ნაფიცმა მსაჯულებმა გამოიტანეს. რიტენჰაუსმა 2020 წლის აგვისტოში კენოშაში, ვისკონსინის შტატში, BLM-ის არეულობის დროს ესროლა და მოკლა ორი მამაკაცი და დაჭრა მესამე.

მას ბრალი ხუთი ბრალდებით ქონდა წარდგენილი: პირველი ხარისხის გაუფრთხილებლობით მკვლელობა, პირველი ხარისხის განზრახ მკვლელობა, პირველი ხარისხის განზრახ მკვლელობის მცდელობა და ორი ბრალდება პირველი ხარისხის გაუფრთხილებლობით უსაფრთხოებისთვის.

რიტენჰაუსი 17 წლის იყო, როდესაც მან მოკლა ჯოზეფ როზენბაუმი და ენტონი ჰუბერი არეულობების დროს, რიტენაჰაუსმა სროლის ღამეს გამოიყენა AR სტილის ნახევრად ავტომატური შაშხანა 16 დიუმიანი ლულით. ბრალდებულის ადვოკატები მთელი პროცესის განმავლობაში ამტკიცებდნენ, რომ მან იარაღი ისროლა თავდაცვის მიზნით, რადგან გაბრაზებული ბრბო მას მოკვლით ემუქრებოდა.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის