ბიძინა ივანიშვილი - ღარიბაშვილი ჩემთვის არ იყო ავტორიტეტი

2021-11-20 22:03:47, 1287 ნახვა

პოლიტიკა

ქართული ოცნების დამფუძნებელი ბიძინა ივანიშვილი ბერმუდის სასამართლოს ჩვენებებს აძლევს. შაბათის ფორმულამ სასამართლოში ივანიშვილის 3 ჩვენება მოიპოვა.
ბიძინა ივანიშვილი ამბობს, რომ ქვეყნის მოქმედი პრემიერ-მინისტრი ირაკლი ღარიბაშვილი მისთვის არ იყო ავტორიტეტი.
" ერთ პატარა "რემარკს" გავაკეთებ ღარიბაშვილთან დაკავშირებით და ზოგადად, ასისტენტებზე კარგი იქნება, რახან ღარიბაშვილი ასე აინტერესებს. ღარიბაშვილი არ იყო ჩემთვის ავტორიტეტი. ღარიბაშვილი არ იყო ფინანსისტი. თუ Credit Suisse მიმანიშნებდა, რომ ხელი უნდა მომეწერა და ეს ჩემთვის კეთდებოდა, იმას როგორ გადაამოწმებდა ღარიბაშვილი. აი, წერილები, რომლებიც იგზავნებოდა, იგივე, ვთქვათ, ჩამოდიოდა დელეგაცია, დელეგაციას უნდოდა დროის შეთანხმება, ვთქვათ, მინდოდა რაღაც ფულის გადარიცხვა, ზარების განხორციელება, შეხვედრის ორგანიზება და ასე, მსგავსი. თვეში ერთხელ გაეგო ანგარიშზე რა თანხებია, რა დარჩა და ასე შემდეგ.
კითხვა: ანუ მდივანივით გყავდათ?] რაც გინდათ, ის დაარქვით, თქვენ რომელი სახელითაც გინდათ, იმით მოიხსენიეთ. - ამბობს ივანიშვილი ვიდეოში.
შვეიცარული ბანკის იურისტმა ივანიშვილს ბევრჯერ ჰკითხა - ხელშეკრულების გაფორმებისას რა როლი ჰქონდა ირაკლი ღარიბაშვილს, რომელიც ოლიგარქისა და ბანკის წარმომადგენლების ყველა შეხვედრას ესწრებოდა.